sitoo 2:42 - buacou seiso no faeva esvʉtʉ

⁴² mo conci 'tohʉngʉ ho noa po'pa'cohivi to sitoo, i'upu tola nouteuyunu, o'upu eabobonʉ, toehungu 'inoli.

sitoo 2:42 ပူးပေါင်းရင်းမြစ်များ

luka 24:30

nemo seolʉano yusuhngu ho bonʉ, isi eepza to iesu 'o pang, mi'usnu to hamo ho to'aveoveoyʉ, cu tipcia, faeni tamo yoso.

luka 24:35

i'omo yoso ihe yaeza eʉsvʉta 'o ihe aiti ta ceonʉ, ho mainenu na a'a'ausnasi nemo tipici to pang hocu ko'ko honga ho zou i'o iesu.

sitoo 1:14

la asngʉcʉ noteuyunu ho toehungu 'inoli; to taicohe panto piyo ci maamespingi ho i'o ino to iesu ci maliya, ho i'o nanat'ot'ohaesa to iesu.

sitoo 11:23

ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 14:22

mo nongongabo ho poa ma'tataso 'o 'tohʉngʉ to tesi, poucufna ho noyʉci na singkoohe, yaeza yainca:

sitoo 2:46

mo tohmʉskʉ 'o 'tohʉngʉhe, huhucmasi yu'eteuyunu to seiten, tenan'a apopaevai to macocono emoo ho toehungu eabobonʉ, boemi no 'aveoveoyʉ cofkoya ci 'tohʉngʉ ho toehungu bonʉ.

sitoo 20:11

mio i'vaho uhto ihe yoni to skoskopna, tipci to pang ho ana. ecngucnguhu ec'ʉhʉ no tiskova, micu mongoi.

sitoo 20:7

yofna no mainomʉ, mimza noteuyunu ho toehungu eabobonʉ, mo mi'usnu tamo noteuyunu ho eʉsvʉsvʉtʉ 'o poolo, maica ho tac'u e'ohʉ ho hucma. ko'ko mo ehʉhʉyʉ. ac'ʉhʉ no taico feʉngna.

sitoo 4:23

ne ihecu poesih'a 'e petelo ho yohane, osni yuovei to iachihe 'oahngʉ, mi'usnu tamo botngonʉ ho etotoyangza 'o nia maee'e to saisicoo ho ito coolo.

sitoo 4:31

cu aepʉngʉ 'inoli, mo tmaot'ou 'o ihe yoni noteuyunu. isi acʉha nongcʉngci to seilei, ahoicu 'ʉteʉ ho psoyaski to e'e to hamo.

sitoo 6:4

inacu a'mi, temza peismamhocni ta 'inoli ho psoyaski ci hi'hioa.>

looma 12:12

yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli.

kolinto 1 10:21

o'atemu soe'upu to sooetohva to nooe'oca temun'a soe'upu no sooetohva no hicu, o'ate o'upu no eabobonʉ to nooe'oca teen'a o'upu no eabobonʉ no hicu.

kolinto 1 11:2

la'u emomoengʉa muu; maica ho lamu asngʉcva talʉa a'o, a'vinano noyʉci 'o o'u psoecingha muu ci h'omahsʉfta.

kolinto 1 14:6

ko'koeno, maanat'ohaesa, ho ci'u uso muu, hoci'uc'o enou no epiepiya, ho o'te hafneni nomo i'mi to hamo ci maavo, mau'to'tohʉngʉ, eyoyocʉ, hocieno mo'ma'cohio, cuma na ntesi koa ʉmnʉ muu?

ngalatea 1:6

mi'o na'no yamci, cimimu aac'o na'no m'ozu mongoi ta isi ieni to mengumi to kilisto ho itomo epei muu ci hamo, ho mee'ofeihni tomo h'unasi ci fukuin.

'epeso 2:20

totiski to couyutaya, isi yaeza p'eyac'a to isi io'tohungvi to sitoo ho eyongensa, 'o kilisto iesu 'aeno totnguca ta emoo tan'e.

'epeso 6:18

temu yono 'inoli ho m'eya to'usni to hamo, asngʉcʉ fiho no lasi hia eahahafo to seilei ho 'inoli. la aa'pucu aʉtʉs'ʉ, teav'a peaezoni; la o'te tosveni 'inolineni 'o sinto.

pilipi 1:5

maica ahoi to ahoisi ac'ʉhʉ maitan'e. to hi'hioa no psoyaski ta fukuin lamu asngʉcva to'to'usni a'o.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 4:2

temula asno'zonʉ 'inoli, a'vinano aʉtʉs'ʉ, mi'usnu to hamo ho yaa 'aveoveoyʉ ci 'tohʉngʉ.

temote 2 3:14

inacu suu, teko noyʉyʉci 'o osko tiova ho ta'sansana ci so'emio. osko cohivi zou siya na lema'cohiosu;

hevulu 10:25

'otes'a maezo tola at'ocʉ o'tena i'upu yu'eteuyunu ci cou, tela yupa poucufnu; ho isieno cohivi tec'u mon'i cmʉ'ho na hiesi to nooe'oca, ntemu asuhcu maica.

hevulu 10:39

o'amitos'a smase'u ho suhcʉhcʉ ci cou; mito yaa singkoo a'vinano elʉ no to'usni ci cou.

yohane 1 1:3

'e omza afu'a aiti, ho talʉi imza psoecʉ'ha muu, ko'ko poa meelʉ i'upu a'mi ho mai'upu ta cono taucunu; 'e cono taucunu eni 'aeno teto toehunga tanua 'o amopepe ho i'o okosi ci iesu kilisto.

yohane 1 1:7

at'inghi, ho cito yaansou to taico to tiskova, mais'a 'o hamo hola yono taico to tiskova, tetocu meelʉ yupania cono taucunu, ina hmuyu to okosi ci iesu tesi toʉlʉi na afu'uto kuisi.

yohane 1 2:19

'emo maica ci cou o'amo tma'usnu a'to, ko'ko mo mongoi a'to; hoci mio tma'usnu a'to, 'ate ahtuo'te no'upu a'to. at'inghi, mo emose'u, cu humzi ho o'a mo a'ʉmtʉ tma'usnu a'to.

yuta 1:20

inacu muu, songohia ci maananghia, ntemu conino bimahtʉicʉ ta socofkoya ci singkoo, ieni to tonʉ to seilei ho 'inoli.