23 'o ihe hafa ci tengami mo maica 'o hia tmopsʉ: <'o sitoo ho i'o mo coolo ci maanat'ohaesa te tuayokeo ta mo yonta 'antia, siliya, cilicia ci afu'u sinto to couyafana!
micu psoengabo ta siliya 'o ongkosi, ahoi tan'e. 'o yane'e ihe hafa 'omo tma'congo no mav'ov'o ho i'omo mav'ov'o ci la 'aotutumzo ci cou: maito isieno cʉnghi no hicu, tensen, meaupsu'hu, acʉha hafa uhto iesu, isi macoconi poa yov'oa to iesu.
ihecu talʉi 'e e'e eni, 'anaihe 'aoka ehcʉvha, cu acʉhʉ tohmomoengʉ to hamo ho mainca: <'o hamo isi yaeza fii note hia to'usnu 'emo ma'vovei ci couyafana ho poa elʉ no nsou!>
at'inghi, mo yaa piyo ci mo i'mi ne saipulusu ho kulinai ci sinto mo esmi ta 'antia; mo maezo mi'usnu to coungilisia ho eʉsvʉsvʉta 'omo natʉ'ca 'o nooe'oca iesu ci fukuin.
mo yuovei ne 'antia, ihecu eteuyuna 'o maanat'ohaesa to kiokai, eʉsvʉsvʉta isi yainenu ho isi titha to hamo ho yaahioa, yainenu na hiasi paavneni no phingi no singkoo 'o couyafana.
nomio ta e'e tan'e, 'o poolo ho i'o panapa ihe mi'usni ho kuici yupa 'eehcʉvho. i'mi tan'e, ihe toehunga popeoskuna 'o poolo ho panapa ho i'o mo piyo ci cou to kiokai to ic'o ho uhne 'elusalemu, nomio tan'e ho mi'usnu to sitoo ho macocoolo ho noa pas'ofeihna ta hi'hioa tan'e.
tuhcusi tan'e, 'o sitoo ho macocoolo ho i'o acʉcʉhʉ ci kiokai esvʉta no epei note tovei, skuna ho poa fiho to poolo ho panapa ho uhne 'antia. ihe epeiya 'o lahe tos'ongki no pasapa ci yuta ho i'o siila. 'emo yoso eni la anana'va toehunga einva to masisinto.
ne micu sʉc'ʉhʉ ne 'elusalemu, ihe yungeova to kiokai, sitoo ho ito macocoolo ho aʉt'ʉt'ʉca, micu mi'usnu tamo botngonʉ ho eʉsvʉsvʉta na hiasi titha to hamo ho hioa 'e acʉcʉhʉ ci hi'hioa.
mion'a aʉlʉ 'enemipzohi homo no'upu to sinto ne kolinto 'o poolo, ataveisi micu mongoi, nʉthʉ 'o paicila ho 'acila yonto 'apangʉ ho uhne siliya. ne o'amocu mo e'ohʉ, mo yone cengkoli ho sko'si'sa 'o f'ʉsʉsi, maica mosola iachi esvʉtʉ.
i'ocu 'o sinto to couyafana, mimzacu tmopsʉ to tengami ho eutotaveiya, yainca 'otela bonʉ to ohcula titha meesi to uacoua ci 'oanʉ, 'ote bonʉ to hmuyu ho ito isic'o tiubcikza ci snoecavʉ. maezo 'otela yaa smoc'ou ci peipeis'ausna.>
ac'ʉhʉ ne isicu so'eʉc'ʉha 'o saipulusu, mo ma'kuyungu to oi'anasi ho emo'usnu ne siliya, mimza tmo'poyapo ne tailo. maica tehe'so yupeopeoha tan'e 'o macucuma to 'apangʉ.
at'inghi panto mo yu'hango ci cou; 'emo maica ci cou mo tma'usnu to kaitoo tola yainca pai'upi 'o mo i'mi ne kulinai ho 'alisanta ci couyutaya. mo toehungu 'o mo i'mi ne cilicia ho i'mi ne 'azia ci couyutaya. ho yupa eehcʉvho 'o sutepana.