homoeno maica, mainci imu aac'o hʉsvʉta 'o hamo, ahoi to nia maameoito ac'ʉhʉ a'to, 'e o'aito iachia pasvo'ha ci ngotohva, mainci siya ta ei'si ta tesi ta couyafana?
imza tac'ʉhi panto piyo cimo i'mi tan'e ho yuyafo; ina nia e'ehe isi na'na poa ma'pepecvai ho ma'ngongoveo na muu. a'ʉmtʉsi, o'a imza eutotaveiya ho engha 'emo maica ci e'e.
ohe tac'ʉhi na niala hiasu mo'ma'cohio to mo nohi'u to couyafana ci couyutaya ho yainca teongasi 'o hoolicu to moose, o'a te 'ahʉya s'e'honga na 'o'oko, yaeza o'ate 'ahʉya fihi 'ola 'ofifiha to yutaya.
i'ocu 'o sinto to couyafana, mimzacu tmopsʉ to tengami ho eutotaveiya, yainca 'otela bonʉ to ohcula titha meesi to uacoua ci 'oanʉ, 'ote bonʉ to hmuyu ho ito isic'o tiubcikza ci snoecavʉ. maezo 'otela yaa smoc'ou ci peipeis'ausna.>
mi'o auyun'a yone tamasuko ho ine 'elusalemu, mo'ucu nongabo ta yutaya ho ito 'ayumona to couyafana ho eucucufnu to cou poa asansano ma'vovei, miezuhu to hamo, inala peipeis'ausna la poa yupa toseolʉ na ma'vovei ci 'tohʉngʉ.
at'inghi pantomo mesisinto ci cou, aasoe tma'ayumonʉ ta kiokai, 'ucia poa tiou to s'e'honga; 'emo maica ci cou la mais'a supai ho oh'ayumonʉ, lahe huafeozi na imza yaa ci ziu ho mimza tmaa'uzo to kilisto iesu, lahe akoevano 'ucia tolei a'mi.
ihe toehunga epeaska: ne momza uso ho baito muu, 'o nia hiamu aʉt'ʉt'ʉca a'mi, mo mainenu na hiamu mongoi to uacoua ho miezuhu to hamo, fifiho tomo a'ʉmtʉ ho yaansou ci hamo,
