sitoo 13:43 - buacou seiso no faeva esvʉtʉ

⁴³ ataveisi ne micu aemo'ʉ. botngonʉ ci couyutaya ho i'omo bi'usnu to yutayakio ci couyafana mo to'ofeihni to poolo ho panapa, ihe cucufni tamo yoso ci sitoo la a'cʉ'cʉnʉ noe'ocʉ to mengumi to hamo.

sitoo 13:43 ပူးပေါင်းရင်းမြစ်များ

matai 23:15

<'emimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu nomio no 'ucia ev'ov'ihi ho poa fiho muu 'emo cihi ci cou. o'a lamu oyango no smaingabo ta maacaciku ta hpʉhpʉngʉ, totea ho tac'u a'ʉmtʉ bi'usnu muu. lamu teoteai ho poa asuhcu kuzohe muu, nte asuhcuhe tiyou no patvovei ne vooecʉvcana.

sitoo 11:23

ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 13:50

at'inghi, 'o couyutaya ihe poot'ova 'omo yaa suoca'ha to ic'o ci cou ho i'ola einva ho tmaa'uzo to hamo ci maamespingi to couyafana, ahozacu akuzkuzoa 'o poolo ho panapa, peteoyafa to hpʉhpʉngʉ to ic'o.

sitoo 14:22

mo nongongabo ho poa ma'tataso 'o 'tohʉngʉ to tesi, poucufna ho noyʉci na singkoohe, yaeza yainca:

sitoo 14:3

mo aʉlʉ mipiyohi to ic'o 'omo yoso; e'ʉ'ʉteʉ ho engha 'o nooe'oca. isi fii to tonʉ no peispopo'e to nooe'oca, ieni tan'e ho soomei na mou'ʉmtʉsi ta ihe epeaska cimo yaa mengumi ci e'e.

sitoo 16:14

to 'ayumona tomo tmalʉ, panto mo i'mi to hosa ne tuiyatuila ci mamespingi, zou litiya 'o ongkosi; la momhino tatposa ci yʉteʉ 'o lasi hioa. la anana'o m'ohkuyu to hamo; isi paavi to nooe'oca 'o 'tohʉngʉsi, poa tmaayaezoyʉ to e'e to poolo.

sitoo 17:17

mo yonto kaitoo 'o poolo ho yupa eehcʉvho 'o couyutaya ho i'omo m'ohkuyu to hamo ci couyafana, maezo huhucmasi yonto coca ho yupa eehcʉvho to lasic'o lʉlʉa ci cou.

sitoo 17:34

mo piyo ci cou 'omo to'ofeihni hocu sinto; to 'ayomonasi panto ngi'in to yalepaku ci tonisiu, ho i'o mon'a cihi ci mamespingi zou tamali 'o ongkosi, ho i'o mo piyo ci cou.

sitoo 17:4

to 'ayumonahe panto mo tmaa'uzo ci cou, micu cono ceonʉ 'o poolo ho siila; pantomo maezo tmaa'uzo cila m'ohkuyu to hamo ci coungilisia ho i'o la so'ehti to maamespingi mo maezo tmaa'uzo.

sitoo 18:7

micu mongoi 'o poolo, uhto emoo to mo ma'einu to hamo ci tito yusutu ho no'upu, 'o emoosi mo nocmu'u to kaitoo.

sitoo 2:10

fulika, pangfuiliya, 'ezivuto, ho i'omo i'mi tomo nocmu'u ne kulinai ci cou to mia'usnu to lipiya, panto mo maezo i'mi ne looma,

sitoo 28:23

micu yupa esvʉtʉ no hiesi no noteuyunu 'o poolo. to hiesi ne mio mo botngonʉ 'omo yu'eteuyunu to isi yoni to poolo; ahoi no taseona ec'ʉhʉ no yofna mi'usnu tamo botngonʉ ho eʉsvʉsvʉta na fukuin to hpʉhpʉngʉ ne pepe. isi e'eo'eonga 'o hoolicu to moose ho i'o tposʉ to eyongensa, tesi poa tmaa'uzo to iesu 'emo tmalʉ.

sitoo 6:5

i'o 'tohʉngʉhe ta sitoo. mo acʉhʉ tohmʉskʉ 'e botngonʉ. ihecu toehunga poe'oha 'o sutepana; 'e sutepana mo yaa mahtʉicʉ ci singkoo, isi nongcʉngci no seilei ci cou; ihe i'vaha epeiya 'o fuili, polokolo, nikano, timong, pamina, ho i'o moso la i'upu to yutayakio ci cou'antia ci nikola.

looma 11:6

'o hiasi epei to hamo mo i'mi no mengumi, o'aisi ieni no peipeis'ausna ta cou; hoci i'tohungu no peipeis'ausna ta cou, na isi yainca mengumi o'ana a'ʉmtʉ mengumi.

looma 3:24

apuyu, isi taha'vi no mengumi to hamo, ieni to kilisto iesu ho to'usni 'e cou, poacu meelʉ yupa toseolʉ ci natʉ'ca to hamo.

looma 5:2

ieni no tmaa'uzo, isicu poa yaansou no 'ayumona no mengumi to hamo na a'to, i'mi tan'e mito kokaekaebʉ ho yaa ta'usni no tma'upu no psoevohngʉ to hamo!

looma 5:21

aʉlʉ mais'a 'o kuisi isi ieni no mcoi ho atʉkcʉ, 'o mengumi to hamo isi yaeza ieni no moulʉlʉ ho aʉt'ʉcʉ, poa meelʉ mito nooe'oca iesu kilisto na a'to ho mayo no 'auesiesi nsou.

kolinto 2 5:11

ho itoeno cohivi te mainenu nate hia einu to nooe'oca, tec'u ieni tan'e ho poucufnu ta cou. isi a'sʉftona honga to hamo a'to; os'o tata'za hocimu i'mi no 'tohʉngʉ ho yaeza honga a'o.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

ngalatea 5:1

te akoeva no poa meelʉ mayo no ziu na a'to, isicu psoevoyunga to kilisto a'to. ko'koeno, temu mit'oengonʉ, teav'a poa peotʉkceni no ngotohva no tolei na muu.

ngalatea 5:4

namo mici biftongʉ no mee'ofeihni to hoolicu ho bikoyu no mici toseolʉ na natʉ'ca to hamo ci cou, tec'u hintʉha 'o natʉ'ca to kilisto, iachia antʉha na mengumi to hamo.

'epeso 2:8

mimu noe'ocʉ to mengumi to hamo, ieni to singkoo ho noa to'usni; na eni o'amo i'mi no iachimu peipeis'ausna, ma isic'o pafeni to hamo ci mengumi.

pilipi 3:16

'upena hoci mainenu, teto ieni to lato asonghoza fihi ci h'ofiha ho emosuhcu.

pilipi 4:1

maanat'ohaesa, la'u atva'esa ngohia na muu, la'u a'ʉmtas'a taaecingia muu! zou kokaekaebʉ'u na muu, tafange'u na muu. ngohia ci maananghia, temula noe'ocʉ to nooe'oca ho bʉʉlʉlʉ.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:28

i'mi tan'e, mimza mi'usnu ta afu'u cou ho psoyaska 'o kilisto, boemi ta mav'ov'o ci moutʉs'ʉ ho kokoica ho po'pa'cohivi muu, akoeva no 'ucia poa yʉepʉngi ci sinto 'emo macicihi, hafa uhto tuhcu to hamo.

tito 2:11

maica na mengumi no to'usnu ta yatatiskova to hamo isicu husansana.

hevulu 12:15

la bumemealʉ, tees'a yaa payo'ʉ no mengumi to hamo. la bumemealʉ, tees'a yaa mais'a mahiz'o ci cacʉfea, holac'u yʉepʉngi, cu koakuzo tamo botngonʉ.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

petelo 1 5:12

yonto hia to'usnu to meot'ʉt'ʉcʉ ci siila, mi'o tmopsʉ ta moc'o nanʉhtʉ ci tengami ho faeni muu. te'o poucufna muu, a'vinano 'akasi 'o mou'ʉmtʉ ci mengumi to hamo. temula yonta mengumi tan'e ho bʉʉlʉlʉ o'te aot'ou.

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.

yohane 1 2:28

'aeno zou, mao'o'oko, temula yaansou to 'ayumona to nsousi; maicac'o. ho tac'u hiesi no yuovei ho aopa'to 'o kilisto, tetocu meelʉ tobohtʉ o'te ma'sasmoyo, o'ate nama totoefʉngʉ.

yohane 2 1:9

hoci panonte o'te noyʉcʉ to h'omahsʉfta to kilisto, apuyu emoszozʉ, 'aeno uk'a ci hamo ta mcoosi; i'ola tʉyʉcʉ to h'omahsʉfta, isicu elʉa 'o socofkoya ci amo ho i'o socofkoya ci oko.