22 mo moozoyʉ 'o yatatiskova ho mainca:
tola afnasa esvʉta ci hie, mo sʉ'eʉsʉ to yʉsʉno honte 'o helote ho yusuhngu to ca'hʉsi, mi'usnu to yatatiskova ho aomotʉ'ʉ.
isi osnia patvovei to tensi to nooe'oca 'o helote, maica ho o'aisi ta'usna to hamo na psoevohngʉ. isi poa yo'eocneni to yoi hocu mcoi.
'emo maica ci cou la asngʉcʉ eubut'u to mocmo ci cou, boh'usnu ho koicʉ to mocmo ci cou; la fiho to iachi kokuzo ci ma'konvosʉ, mo'engho tomo esvocʉ ci e'e, nomio note koa ʉmnʉ ho euteoteozu to mocmo ci cou.
mo acʉhʉ m'ohkuyu to long, maica ho isi acʉha faeni ta yuansou to long 'o tonʉsi. ihe yaeza p'ohkui 'o yuansou ic'o, yainca:
