sitoo 11:23 - buacou seiso no faeva esvʉtʉ

²³ ne micu sʉc'ʉhʉ 'o panapa, aiti ho isi fii no ʉm'ʉmnʉ to hamo 'o yane'e, cu na'no kaebʉ; isi eucucufna, poa acʉhʉ conci 'tohʉngʉ ho tmanoe'ocʉ to nooe'oca.

sitoo 11:23 ပူးပေါင်းရင်းမြစ်များ

matai 16:24

isicu mi'usni to iesu 'o tesi ho yainca:

maluko 2:5

isi aiti to iesu 'o singkoohe tamo maica ci cou, cu mi'usni 'omo tma'congo no meaupsu'hu ho yainca:

yohane 15:4

temula asngʉcʉ cmunghu a'o, te'oeno asngʉcʉ cmunghu muu. hoci o'te cmunghu a'o, o'ana temu meelʉ beahci, aʉlʉ mais'a 'o ehti hoci o'te cmunghu to evi to amcuyu totiski o'ate meelʉ beahci.

sitoo 13:43

ataveisi ne micu aemo'ʉ. botngonʉ ci couyutaya ho i'omo bi'usnu to yutayakio ci couyafana mo to'ofeihni to poolo ho panapa, ihe cucufni tamo yoso ci sitoo la a'cʉ'cʉnʉ noe'ocʉ to mengumi to hamo.

sitoo 14:22

mo nongongabo ho poa ma'tataso 'o 'tohʉngʉ to tesi, poucufna ho noyʉci na singkoohe, yaeza yainca:

sitoo 14:26

i'mi ne'e ho smo'apangʉ ho yuovei ne 'antia. to ahoisi, 'amosoeno yontan'e ho yonto 'ayumona to mengumi to hamo ho noa tovei ta ihecu aepʉnga ci hioa maitan'e.

sitoo 15:40

isi epeiyahe to poolo 'o siila, ihe toveineni to nooe'oca to sinto ho poa mʉʉt'ʉcneni no mengumisi, micu maezo mongoi.

sitoo 20:24

at'inghi, os'oeno nama ngohia 'e nsou'u, os'o anga 'ucia peihcʉ'hi 'e te'o hioa, aepʉnga 'e isi toveineni a'o to iesu ci hioa, 'aeno 'akasi 'o yaa mengumi ci fukuin to hamo.

sitoo 20:32

sitoo 4:36

panto cihi cimo yayo ne saipulusu ci coulevi, zou yosefu 'o ongkosi, ihe tos'ongki to sitoo ho poa panapa (na e'ausna ta panapa zou lepoucufnu);

looma 12:8

hoci zou poucufnu, nte poucufnu; zou tmaha'o, la mealʉ; hoci zou so'ehti, o'ate bʉʉpsʉpsʉ no ngoseo; hoci lea himcocoveoi no cou, 'ateeno kokaekaebʉ.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 2 1:17

'emo maica ci ta'koeva, siya nate meelʉ ehcʉvo ho mainca mi'o 'aʉnpʉnpʉ? 'e ma'koyu eni mios'aeno i'mi no ma'cachi ci 'tohʉngʉ, zohzou no o'a, ho ma'vav'ov'o?

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

kolosai 1:6

'e fukuin eni o'aisi anova psoecʉ'ha muu, isi yaeza psoengaboa ta mauhpʉhpʉngʉ, asngʉcʉ yusuhci ho beahci, aʉlʉ mais'a ne ohmun'a ahoza tac'ʉhi hocu a'ʉmta honga 'o mengumi to hamo, mo totiski yusuhci ho beahci.

temote 2 3:10

at'inghi, mikocu mee'ofeihni ta hia'u mo'ma'cohio ho ita la'u h'oyunsova, momaemaezo ta la'u peipeis'ausna, singkoo, ma'cocoyʉ, himngonghi ci 'tohʉngʉ, luaveica,

petelo 1 5:12

yonto hia to'usnu to meot'ʉt'ʉcʉ ci siila, mi'o tmopsʉ ta moc'o nanʉhtʉ ci tengami ho faeni muu. te'o poucufna muu, a'vinano 'akasi 'o mou'ʉmtʉ ci mengumi to hamo. temula yonta mengumi tan'e ho bʉʉlʉlʉ o'te aot'ou.

yohane 1 2:28

'aeno zou, mao'o'oko, temula yaansou to 'ayumona to nsousi; maicac'o. ho tac'u hiesi no yuovei ho aopa'to 'o kilisto, tetocu meelʉ tobohtʉ o'te ma'sasmoyo, o'ate nama totoefʉngʉ.

yohane 3 1:4

uk'a ci mocmo ci hi'hioa nante tmakakaebʉhe ho os'o tac'ʉhi na 'o'oko'u hola acʉhʉ yunsou no 'ayumona to so'emio.

yuta 1:4

maica homo yaa 'oha einu ci cou mo aasoe ohtuvho ta taicoto, boemi to eknon'a 'omo yaa mengumi ci e'e to hamo ho efʉnga 'o kuzo ci peipeis'ausnahe, lahe hopsʉpseni 'o moc'o cihi ci tmuoteuyuna - nooe'ocato ci iesu kilisto. ne na'no noana'o, ohsicula eyoca to seiso te asansano tiou no patvovei 'emo maica ci cou.