teko popeosmuhnu no cou ho poa uhne yoopa, eho'a 'ola yainca saimong petelo ci cou ho poa uhtan'e. mo yonto emoo tola lesifkou feo'u ci saimong; 'o emoo to saimong mo yonto aaskiti to etʉpʉ.>>
'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.
la mouhmʉskʉ 'o hamo; o'atesi ahta ta'payo'a na ohmula hioaneni ci hi'hioa ho ina himngonghi, 'aeno i'mi to lamu hia o'te tosvo to'usnu to mocmo ci sinto.
nemo maica 'o hioasi, 'omo sʉptʉ ci yuansou ho mpusku uspotʉ ci coolo mo m'ocnguyu to tuhcu to okomoatʉ'nʉ. 'omo macicihi to coolo mo acʉhʉ mʉpʉtʉ to tngootngo ho ito tngoo ci isi songcʉngci to konamusngau; 'e namusngau eni 'ai'oeno 'inoli to masisinto.
