maica inamo i'mi ta yafana ho yʉmeʉmʉ o'amo uhno 'tohʉngʉsi, mamo uhno cfu'osi, tasicu ataveia te'eafa.> (na isi pahtuhci to iesu. mo acʉhʉ cofkoya na afu'u 'oanʉ.)
nteto tmopsʉ no tengami, eutotaveiya ho o'te bonʉ to ohcu titha sʉ'tʉ to uacoua ho 'oha cofkoya ci 'oanʉ, 'otela yaa smoc'ou ci peipeis'ausna, 'ote bonʉ to ohoc'o seoubcikia ci yuansou ho ito hmuyu.
o'atemu ana 'o ohcu titha sʉ'tʉ to uacoua ci 'oanʉ; o'te bonʉ to hmuyu ho ito oho seoubcikza ci snoecavʉ; maezo o'ate yaa smoc'ou cila peipeis'ausna. hocimu peelʉi peihcʉ'hi 'emo piyo ci h'oesvʉta tec'u ʉmnʉ. temu'sola soanono!>
os'o ieni to hiamza yupa tmʉyʉcʉ ci natʉ'ca 'o nooe'oca iesu ho a'ʉmta cohivi, 'e 'oanʉ mo acʉhʉ cofkoya; hoci pano cou mo ma'unano o'amo cofkoya, hote ieni ta cou tan'e, 'anate cofkoya.
'ote i'mi no 'oanʉ ho poa aon'oi na lasi hi'hioa to hamo. 'e afu'u 'oanʉ te acʉha peelʉi ana, at'inghi hoci nomio no osko ana ho poa e'puyu na mocmo ci cou, 'anamo emio.
hoci e'usna tola acocofkoya ci cou, la acʉhʉ cofkoya 'e acʉcʉhʉ; at'inghi hoci e'usna tola coca'i ho o'te tmaa'uzo ci cou, uk'a ci mo conci cofkoya ci macucuma, maica 'o ʉmnʉ ci 'tohʉngʉhe micu acʉhʉ kuici ca'i.
'o amcuyu mo yonto 'oyona smaspʉcʉ emi to yafana to hosa ho noa psaiei'zi, micu yaa hmuyu cimo i'mi ta 'oyona smaspʉcʉ emi ho moheafo, epʉna 'omo se'tueva kilo, mo asonʉ yuso meeta 'o hiasi mʉ'eona.
