petelo 2 3:11 - buacou seiso no faeva esvʉtʉ

¹¹ ho teeno maica na tesi hia aapapayo'ʉ ta acʉcʉhʉ, ntemu no'usnu nomo mainenu ci cou? ntemu mino mo cofkoya, ho einu ci h'oyunsova,

petelo 2 3:11 ပူးပေါင်းရင်းမြစ်များ

matai 8:27

mo acʉhʉ kuici yamci, yupa mainca:

looma 13:11

te asansana poa maica natemula hioa, maica imu cohivi zou cuma 'e hie maitan'e; zou hiesi no ntemucu i'mi no oengʉtʉ ho peihsasmome. maitan'e na to'usnu to hamo micu asuhcu cum'uhe ne mohton'a ahoi tmaa'uzo.

looma 13:12

tec'u mon'i sucaefi 'e voecʉvcʉ, tec'u cmʉ'ho 'o tiskova. 'anateto 'aoko peis'usnu nomo voecʉvcʉ ci hi'hioa; la meua soanothʉ, ae'ayocʉ ehtothomʉ ho tenac'u tiskova.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

pilipi 1:27

ina te sotva'esa zou: na h'oyunsovamu la poa toseolʉ to fukuin to kilisto. maicac'o, 'upena hoci'u o'te meelʉ baito muu, te'oc'o acʉha cohivi lamu yaa totiski cite mituhci, mahtʉicʉ ho o'te aezuhu, tohmʉskʉ ci 'tohʉngʉ toteuyuneni na tonʉ ho nomio no singkoo ta fukuin ho 'aanana'o ehtothomʉ.

pilipi 3:20

nacu a'to zou 'o'oko to hpʉhpʉngʉ ne pepe; lato conci 'tohʉngʉ ho mooteo to leto'usnu ci nooe'oca, 'aeno 'o nooe'oca iesu kilisto te i'mi ne pepe ho ohpueho.

tesalonike 1 1:5

ho imza psoecʉ'ha muu 'e fukuin eni, o'atec'o anou boemi no e'e, la maezo noe'ocʉ to tonʉ to seilei, a'vinano i'tohungu no a'sʉftonʉ tmaa'uzo to fukuin. mimu acʉhʉ bochio, mo mainenu na h'oyunsovamia ne momza la no'upu muu; acʉcʉhʉ coninoc'o inate koa ʉmnʉ muu na imza hioa.

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

temote 1 4:12

teav'a poa hupotfʉngneni no cou ho mikon'a foinana. 'upena na pat'a'ausna, peipeis'ausna, himngonghi ci 'tohʉngʉ, singkoo, ho acocofkoya, 'emo mav'ov'o, la acʉha teyaineni no tehe hu'ofeihni ta sinto.

temote 1 6:11

inacu suu, lasi atuhca titha to hamo ci cou, la totoefʉngʉ ta acʉcʉhʉ tan'e. e'ofeihni no moulʉlʉ, einu, singkoo, himngonghi, luaveica, ho ma'cocacni.

temote 1 6:3

hoci panola psoyaski nomo h'unasi ci e'e, ho o'te toseolʉ ta mo yuayayokeo ho einu ci e'e to nooe'oca iesu kilisto,

temote 1 6:6

'aeno a'ʉmtʉ. 'emo cihi ci cou hoci ma'mamso, tesi a'ʉmta poa atngaso ta siukio.

hevulu 13:5

'otela ma'konvosʉ no yupasʉ, la ma'mamso ta acʉcʉhʉto. maica ohsila yainca to hamo: <'auesiesi o'ate'o ahta ngozi suu, 'auesiesi o'ate'o ahta ciha suu.>

yakovu 1:24

aomanza hʉʉlʉlʉi, hocu emose'u, cu osnia ta'payo'a 'o iachisi mi'a'ausna.

yakovu 3:13

ta taicomu panomo yaa mau'to'tohʉngʉ ho moutʉs'ʉ ci cou? hoci pano, nte ieni no a'sʉftonʉ ci ma'einu ho toutʉs'ʉ ci peipeis'ausna, ho peispa'teni na mo yonghu ci h'oyunsovasi.

petelo 1 1:15

'omo eyoho'ʉ muu ci hamo mo socofkoya; ta lamu afu'a hi'hioa te aa'pucva yaeza poa socofkoya.

petelo 1 2:12

ho lamu no'ayumonʉ ta couyafana, ntemula yaa peislʉlʉ ci peipeis'ausna, i'ola ekuzkuzo, ho maus'os'osʉ muu ci cou, i'mi ho lahe aiti na lamu hia popeislʉlʉ, yono hiesi no ivaho cmʉ'ho 'o nooe'oca, tehe ta'usna to hamo na psoevohngʉ.

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

petelo 2 1:6

na mau'to'tohʉngʉ topuhngi no atʉkcʉ, na atʉkcʉ topuhngi no luaveica, na luaveica topuhngi no ma'einu,

petelo 2 3:10

at'inghi, na hiesi no i'vaho cmʉ'ho 'o nooe'oca te mais'a thokeainʉ ho aemo'au cmʉ'ho. no hiesi ho mio, 'e maepepe tena yono meoino no yamumi ho aapayo'ʉ, 'e mouhpʉhpʉngʉ te yono yafeu ho yunzou, 'e ceoa ho acʉcʉhʉ ci macucuma te acʉha aapayo'a.

petelo 2 3:12

mooteo no hiesi to hamo, bitotonʉ ho poa aupcio cmʉ'ho. to hiesi ho mio. te hoapayo'ʉ 'e maepepe. te hos'ʉs'ʉ no yafeu 'e mouhpʉhpʉngʉ.