petelo 2 2:3 - buacou seiso no faeva esvʉtʉ

³ 'emo maica ci meyoyongensa nomio no ma'mamso 'o iachihe ma'konvosʉ, la boemi to isic'o teoteai ci ehohamva ho mi'usnu muu ho tʉspʉcʉ no yupasʉ. ahoi ne noana'o, 'o yʉsvʉtʉ to hamo lasi conino totea 'emo maica ci cou; o'atehe ahta noszozi na meaapayo'ʉ!

petelo 2 2:3 ပူးပေါင်းရင်းမြစ်များ

luka 18:8

te'o eʉsvʉta muu, 'atesi ahtao'te aupcieva to'usni. at'inghi. hotac'u cmʉ'ho 'o okocou, teenana elʉ nomo maica hia yaa singkooa ta hpʉhpʉngʉ?>

luka 20:20

moezʉ mooteo note 'oc'ocic'o ci hie. mo tohno to piyo ci cou, me'ʉ'ʉmnʉ ci koyu, ho mi'usnu to iesu ho tuucocosʉ, 'ucia tipunkua 'e e'esi, ko'ko peelʉi tʉtpʉta ho faeni to sootoku.

luka 22:47

ne mon'a seolʉa no aomotʉ'ʉ 'o iesu, mo esmi 'omo botngonʉ ci cou. isi hafa to yuta ci 'oahngʉ to mo maskʉ ueso ci tesi, mo uhto tuhcu to iesu tesi kisua.

yohane 2:16

isi ivaha mi'usni 'omo mhino to hofoyu ho yainca:

looma 16:18

maica 'emo maicac'o ci cou o'ala fifiho to nooe'oca kilisto, lac'o ma'mamso to iachihe cfu'o. lac'o boemi to ecocohʉmʉ ci e'e ho paspepecvazi 'o 'tohʉngʉ to mo ma'cocacni ci cou.

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

tesalonike 1 2:5

imu cohivi, ahoi to ahoisi o'amimza ahtu mi'usnu muu ho mo'engho nomo euteoteozu ci e'e, maezo o'amimza ma'sasoe ma'konvosʉ ci koyu; na eni tesi peelʉi 'akasineni to hamo.

tesalonike 1 5:3

homo seolʉa no acʉhʉ mainca te akameosʉ cmʉ'ho 'o meakvo'ʉ, mais'a 'o congo to mamespingi ho tec'u yayo 'o okosi. o'ate meelʉ noesih'i.

temote 1 3:3

o'ala voemi, o'ala eyobai, ma'cocacni ci yu'ausna, o'ala ma'konvosʉ no yupasʉ.

temote 1 3:8

i'ola to'usnu to so'ehti ta kiokai te maezo yaa ʉmnʉ ci yu'ausna. la 'o'emio hola aomotʉ'ʉ. o'ala voemi, o'ala ma'konvosʉ no yupasʉ;

temote 1 6:5

ec'ʉvi 'ola mipeyu 'o 'tohʉngʉ, ho payo'ʉ to so'emio ci cou ho koa o'te tosvo yupa 'eehcʉvho. to 'tohʉngʉhe, 'e siukio mac'o ceonʉ no ma'eayupasʉ.

tito 1:11

teko asansana potani hoci aomotʉ'ʉ 'emo maica ci cou, maica, la nomio no ma'konvosʉ no yupasʉ, micu boemi to o'ante psoyaska ci motposʉ hocu aon'oza 'omo man'i ci emoo.

tito 1:7

ho teeno so'ehti ta kiokai, leaʉt'ʉcʉ ta emoo to hamo, nte uk'a 'o'emamzi no koica, o'ate ʉmnʉ hoci bobitano, pak'i, voemi, youbobai, makonvosʉ no yupasʉ;

petelo 1 2:8

to h'unasi ci isi tposi to seiso isi yainca: 'emo coni cite paepekosi ci fatu. tee ekosi ta cou ci fatu. ho ihe ekosi, maica ho o'a ihe taa'uzva 'e a'ʉmtʉ e'e; na eni 'amoeno maezo i'mi no 'tohʉngʉ to hamo.

petelo 1 5:2

la aʉt'ʉca 'o isi toveineni muu to hamo ci mamomoatʉ'nʉ, peiskakaebʉ ho maino 'tohʉngʉ to hamo ho aʉt'ʉca, o'ate i'mino meumzomzo; o'amo akoyu no m'ehno ho yaahioa, mate iachi smoekaebʉ ho fifiho.

petelo 2 1:16

i'e imza eʉsvʉta muu cimo natʉ'ca to meoino no tonʉ ho i'vaho cmʉ'ho 'o nooe'oca iesu kilisto ci hi'hioa, o'a mos'a i'tohungu no isic'o teoteai ho e'ankʉ ci ehohamva; omzala aʉla iachia aiti 'o hiasi taunona'vʉ.

petelo 2 2:1

ne auyusi 'o meyoyongensa mosola yuyafo ta 'ayumona ta 'isolaelu; totiski panto tenala yuyafo ta 'ayumonamu ci meknuyu ci lema'cohio. ihe aasoeza e'ayumona 'ote koa meaapayo'ʉ ta cou ci h'omahsʉfta, o'te taa'uzva 'o mosola to'usnu ci nooe'oca, monmon'i iachi noa aapapayo'a.

petelo 2 2:9

lasi cohivi to nooe'oca te yainenu na tesi hia to'usnu tola tmaa'uzo ci cou ho poa mongoi no hʉsvʉta, yaeza cohivi te yainenu ho teongasi 'omo kuici cou, aavaho 'ola peisnou no smoc'ou ci feango, ho i'ola potfʉngʉ to tonʉ to hamo ci cou, tasi toteni no hiesi no yʉsvʉtʉ ho patvovei. 'emo maica ci meknuyu ci lema'cohio la yameomʉ ho 'aʉnpʉnpʉ, o'amo anou o'te einu tonte so'einva ne pepe, lean'a apuya aokoe'iya;

yuta 1:11

'emo maica ci cou te ku'kuici! ihe pee'ofeihni 'omo totiski to ceonʉ to kai'in. nomio no yupasʉ, mo su'ayumonʉ to ohsi su'si to palan ci feongo no peis'epo, mais'a 'o koola ho totiski yutasufku, totiski aapapayo'ʉ.

yuta 1:15

tesi yʉsvʉta 'e afu'u cou, patvovei 'ola afu'u peiskuisi ho 'oha einu ci cou; maica hola 'oha einu 'o peipeis'ausnahe, tenan'a boemi to 'oha einu ci e'e ho yutasufku to hamo.>

yuta 1:16

'emo maica ci cou la asngʉcʉ eubut'u to mocmo ci cou, boh'usnu ho koicʉ to mocmo ci cou; la fiho to iachi kokuzo ci ma'konvosʉ, mo'engho tomo esvocʉ ci e'e, nomio note koa ʉmnʉ ho euteoteozu to mocmo ci cou.

yuta 1:4

maica homo yaa 'oha einu ci cou mo aasoe ohtuvho ta taicoto, boemi to eknon'a 'omo yaa mengumi ci e'e to hamo ho efʉnga 'o kuzo ci peipeis'ausnahe, lahe hopsʉpseni 'o moc'o cihi ci tmuoteuyuna - nooe'ocato ci iesu kilisto. ne na'no noana'o, ohsicula eyoca to seiso te asansano tiou no patvovei 'emo maica ci cou.

yuta 1:7

ho i'omo yone sotoma, 'omola. ho i'o cou to cum'usi ci hosa. mo totiski to mosola maica ci tensi, la smoc'ou 'o peipeis'ausnahe, fiho to peis'aʉnpʉnpʉ ci poc'ou, nomio tan'e te patvovei ho tiou no 'auesiesi o'ate afsi ci puzu. 'e hi'hioa eni te teyaineni note huthaeva tamo macicihi ci cou.