petelo 2 1:8 - buacou seiso no faeva esvʉtʉ

⁸ 'aeno eni nantemu anana'va seocavi ci yu'ausna, hocimucu acʉha poa noemʉhʉ eni, 'atemu ahtuo'te h'unano tvaezoya h'unano mipo'ʉ'ʉmtʉ no 'ucia a'ʉmta honga 'o nooe'oca iesu kilisto.

petelo 2 1:8 ပူးပေါင်းရင်းမြစ်များ

matai 13:22

i'o isi yapneni to cʉcʉmʉ ci tutu. isi pas'usna tola tmalʉ to e'e, la ma'tipvongʉ no h'oyunsova. eepecvazi no mici yuyupasʉ hocu timcoza na ntohsi nsou ta e'e. 'anamo meelʉ beahci.

matai 20:3

micu a'usnu no ma'hi sio 'o huomza hie, mo ivaho uhto 'oyona 'amamhimhino 'o tauke, aiti panto mon'a yac'ʉ to ic'o, ho uk'a hioa,

matai 20:6

cu mon'i ma'hi eimo 'o huomza hie no ataveisi no cohzona, mio ivaho uhto 'oyona 'amamhimhino ho aiti panto moc'on'a yac'ʉ to ic'o, isi tuocosi: <> ihe yut'inga:

matai 25:26

yainca to taukesi: <<'e miko kuzo ho lue'amamza ci soskuskunu! ho oskoeno cohivi ho te'o efeuta na o'aoho emʉ'i, a'pʉ'pʉyʉ no o'a oho yapi no hiyoyapo.

yohane 15:2

i'omo afu'u cmunghu a'o ho o'te beahci ci ehti, tesi skoonva; namo meelʉ beahci ci ehti, tesi skoʉlʉlʉa, poa asuhca yʉho'a.

yohane 17:3

honga suu ho zou cihic'o ci a'ʉmtʉ hamo, a'vinano honga 'e osko popeoskuna ci iesu kilisto, 'aeno 'auesiesi nsou.

yohane 5:42

at'inghi os'ocu so'eusoya muu, ma'i mimu yaa himngonghi to hamo ci 'tohʉngʉ.

looma 12:11

'otela lue'amamza, la asno'zonʉ yaahioa, boemi no cuveu ci 'tohʉngʉ ho fifiho to nooe'oca.

kolinto 1 15:58

ko'koeno, ngohia ci maanat'ohaesa, temula bʉʉlʉlʉ, 'otela tmaot'ou. la buoo'te bʉʉpsʉpsʉ no ngoseo ho yaahioaneni 'o nooe'oca; maica imu cohivi, inate yaahioa to nooe'oca o'ate ahtu 'afeungu.

kolinto 2 13:5

temu hʉsvʉta 'e iachi. huovei 'e iachi, aiti mimunana mino h'oyunsova no singkoo. mac'ocimu asansana o'te pasvo'ha na hʉsvʉta, ntemu cohivi 'o iesu kilisto mo yonta nsoumu.

kolinto 2 8:2

mo i'mi to ihe mia ci 'atutumzo ho tiou to ecvʉhʉ ci hʉsvʉta; at'inghi mo nongcʉngcʉ 'o kokaekaebʉhe. yontomo kuici thi'cia lean'a mealʉ tosmʉyʉ.

kolinto 2 8:7

'upena na singkoo, hia aomotʉ'ʉ, mau'to'tohʉngʉ, smoekaebʉ to'usnu no mocmo, ho ina hia mi'usnu a'mi ci himngonghi, mimu a'ʉmtʉ na'no atngaso, os'o tata'ia no temula yonta mo maica ci ʉmnʉ ci hi'hioa ho afnaso mealʉ.

kolinto 2 9:14

tehe yaeza i'mi ho isi pafi no afnaso ci mengumi to hamo na muu ho h'unasa ʉmnʉa muu, as'asngʉcva 'inolineni muu.

pilipi 1:9

i'o la'u 'inolineni muu: ina himngonghimu te fiho no a'ʉmtʉ mau'to'tohʉngʉ ho ino bocbochio ho acʉhʉ ohsuhcu,

pilipi 2:5

temula 'tohʉngʉ na 'tohʉngʉ to kilisto iesu:

pilipi 3:8

o'amo anouc'o maica, os'o h'unasa hukokoakuzoa 'e acʉcʉhʉ ci hi'hioa, maica ho os'o angongohia ho mi'o bohngʉ to nooe'oca kilisto iesu. nomio to kilisto, os'o ciha 'e acʉcʉhʉ, ho ta'upa no pucu, te'o 'uciahe elʉa 'o kilisto.

kolosai 1:10

maicac'o, ina h'oyunsovamu tec'u meelʉ toseolʉ no 'tohʉngʉ to nooe'oca, aa'pucva poa ʉm'ʉmnʉaneni. a'vinano, te meelʉ yonta h'oyunsovamu ho beahci no mo mav'ov'o yonghu ci beahci, na hia bohngʉ to hamo te maezo apuhngu.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

kolosai 3:16

'o e'e to kilisto temula at'otngasa poa no'ayumonʉ ta 'tohʉngʉmu. la boemi no mav'ov'o ci moutʉs'ʉ ho yupa mo'ma'cohio, eucufnu, boemi no tohmomoengʉ, pasunaeno, pasupiepiya ho i'mʉs'onʉ no 'tohʉngʉ ho tayafi namo 'aveoveoyʉ ci fihngau ho tohmomoengʉ to hamo.

tesalonike 1 3:12

tesi'sola poa yaa 'tohʉngʉ no yupa himngonghi ho yaa 'tohʉngʉ no ngohia 'e yatatiskova, a'vinano huhucmasi yusuhci, totiski ho lamza ma'cucuveu ho ngohia muu.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

temote 1 5:13

a'vinano la at'ocʉ lue'amamza, smaicacni to maemoemoo ho ne'neisu. 'omo asuhcuhe kuzo, la buusumsu, enou to o'ante pateafa ci e'e.

tito 3:14

poa aʉsvʉsvʉtʉ asno'zonʉ peislʉlʉ 'o iachito 'oahngʉ, ho poa am'amso nala tititha ta h'oyunsova; 'otela mo'ma'na'o ho uk'a a'a'ausna ci cou.

fuilimong 1:6

la'u m'ene to hamo peelʉi ieni to cono taucunu ci totiski singkoo, asuhca amsʉ'eona ta'hongi na afu'u ʉmnʉsi ho mito yuecnguhu to kilisto.

hevulu 6:12

'otela ma'mio, la momaemaezo tola tmaa'uzo ho luaveica ci cou, ho tiou to ohsila teomneni to hamo.

petelo 2 1:2

temu'sola ieni ho mimu bohngʉ to hamo ho ito nooe'ocato ci iesu kilisto ho elʉ no atngaso ci mengumi ho soanono!

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

petelo 2 2:20

'e cou hoci i'mi homo bohngʉ to nooe'oca - iesu kilisto, i'mi ta tonʉ no tokuzo ta hpʉhpʉngʉ ho tomeesih'i, ataveiya i'vaha tʉtpʉta ho noa atʉkca, na atotaveisi tamo maica ci cou te asuhcuhe kuzo ne auyusi.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.