petelo 2 1:5 - buacou seiso no faeva esvʉtʉ

⁵ nomio tan'e, temu pnanfi na tonʉmu ho yono singkoo ho topuhngi na yonghu ci yu'ausna, na yonghu ci yu'ausna topuhngi no mau'to'tohʉngʉ,

petelo 2 1:5 ပူးပေါင်းရင်းမြစ်များ

luka 16:26

a'vinano, ta taicoto isi yupaevaza ta mʉ'eona, 'e cou hoci i'mi ta tan'esi ho uhta imu yoni o'ate ahtu meelʉ, hoci i'mi ta imu yoni ho uhta tan'esi maezo o'ate meelʉ.>>

luka 24:21

omzala anana'va mingeovi ho yainca zous'a ic'o nate to'usnu ta 'isolaelu! o'amo anou maica, micu miteuhi 'e hi'hioa eni.

yohane 6:27

'ote nomio tate kuzo ci 'oanʉ ho peisngoseo, la nomio to 'oanʉ no 'auesiesi nsou ho asno'zonʉ. 'e 'oanʉ eni 'aeno 'o tesi pafeni muu ta okocou, maica i'o amohamo isicu topci to huomza 'e feango ta okocou.>

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

'epeso 5:17

i'mi tan'e, 'otela moma'payo'ʉ ci cou, la cohivi zou cuma na 'tohʉngʉ to nooe'oca.

pilipi 1:9

i'o la'u 'inolineni muu: ina himngonghimu te fiho no a'ʉmtʉ mau'to'tohʉngʉ ho ino bocbochio ho acʉhʉ ohsuhcu,

pilipi 2:12

songohia ci maananghia, ne mo'ula no'upu muu lamu asngʉcva talʉi a'o; maitan'e ho o'a mi'o no'upu muu, ntemu h'unasa talʉi a'o, la ma'eopeophi. o'te tosvo asno'zona aepʉnga na to'usni 'e iachi;

pilipi 4:8

ataveisi, maanat'ohaesa, temula conino buyuyue'iya i'ola ʉmnʉ ho peelʉi tohmoengʉi ci hi'hioa. acʉcʉhʉ 'ola mou'ʉmtʉ, mitohʉngʉ, ahmʉskʉ, cofkoya, ʉm'ʉmnʉa, ho i'ola taotofsi'i ci hi'hioa ntemu la acʉha huecvʉhʉa.

kolosai 1:9

i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.

kolosai 2:3

zou 'oyomzana maavo no ohsi la afu'a siya to hamo ci moutʉs'ʉ ho mau'to'tohʉngʉ.

hevulu 11:6

hoci uk'a singkoo 'e cou o'ate meelʉ noa ʉm'ʉmnʉa to hamo. namo afu'u uhto tuhcu to hamo ci cou ahtao'te taa'uzva ho mio yayo 'o hamo, a'vinano taa'uzva ho tasi evei 'omo biebimi ci cou.

hevulu 12:15

la bumemealʉ, tees'a yaa payo'ʉ no mengumi to hamo. la bumemealʉ, tees'a yaa mais'a mahiz'o ci cacʉfea, holac'u yʉepʉngi, cu koakuzo tamo botngonʉ.

hevulu 6:11

'olamza someoino no tata'zeni: 'e mimu macicihi la ahoi no ahoisi apaezumo cuveu ci 'tohʉngʉ, ko'ko poa meelʉ esmi na lamu afu'a mingeovi ci hi'hioa.

petelo 1 3:7

totiski, na hahocngʉ, lamu iepoepohʉ 'o vcongʉ ho yunsou, nte peu'uzva hola'so yoz'uhe muu. la einva, maica mo totiski muu ho tiou no isi pafeni to hamo ci faeva ci nsou. hoci meelʉ maicac'o, na 'inolimu o'a nate yaa eftongi.

petelo 2 1:10

ko'koeno, maanat'ohaesa, temula h'unano asno'zonʉ, temu 'auesia ta'hongi ho ohsila eyoho'a ho epeiya to hamo; hocimucu ta'hongi eni, 'anatemu 'aoko suhcʉhcʉ.

petelo 2 1:11

maicac'o, temu a'sʉftonʉ mayo no tonʉ, meelʉ yʉmeʉmʉ no 'auesiesi hpʉhpʉngʉ to nooe'oca - 'o leto'usnu ci iesu kilisto.

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.