petelo 2 1:12 - buacou seiso no faeva esvʉtʉ

¹² i'mi tan'e, imu e'vonocu cohivi na eni, a'vinano bʉʉlʉlʉcu ta imu tiova ci so'emio, te'oc'on'a a'cʉ'cʉna o'te tosveni poutʉs'ʉa na muu.

petelo 2 1:12 ပူးပေါင်းရင်းမြစ်များ

sitoo 16:5

i'mi tan'e, 'o singkoo to makikiokai mo meelʉcu mamahtʉicʉ, maezo huhucmasi ausuhcu botngonʉ 'o sinto.

pilipi 3:1

maanat'ohaesa, panto te'on'a e'e. temu'sola no'ayumonʉ to nooe'oca ho kokaekaebʉ! te'o patvaha 'e o'ucula mi'usneni muu ho engha ci e'e ne auyusi, uk'acite nama koa ma'pap'ʉcʉ a'o, nama te apuyu koa ʉmnʉ muu.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

temote 1 4:6

hociko pa'cohivneni to maanat'ohaesa 'e hi'hioa eni, mikocu ʉmnʉ ci soskuskunu to kilisto iesu; a'vinano inamo yaa singkoo ci e'e ho i'o lako asonghoza fihi ci mo emzo ci ceonʉ tesi to'usni na piepiyasu ho poa yusuhci.

temote 2 1:6

ko'koeno, te'o poutʉs'ʉa suu: i'o ohsi faeni to hamo ci mengumi ne o'u hoe'oci suu, tekola poa mais'a puzu ho yunzou ho o'te afsi.

hevulu 10:32

la talʉa na nia hie ne auyusi. ne ohsicula pahtiskovi to hamo na muu, mohmu elʉ tomo man'i ci 'atutumzo, at'inghi ma'i mimu ahtu yonta ehtothomʉ ho noa atpʉta.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 1 5:12

yonto hia to'usnu to meot'ʉt'ʉcʉ ci siila, mi'o tmopsʉ ta moc'o nanʉhtʉ ci tengami ho faeni muu. te'o poucufna muu, a'vinano 'akasi 'o mou'ʉmtʉ ci mengumi to hamo. temula yonta mengumi tan'e ho bʉʉlʉlʉ o'te aot'ou.

petelo 2 1:13

os'o yainca no koyu'u, hocin'a mako conohie na te'o hia yunsoua, nte'o asngʉcva to'usni muu ho poa talʉaneni 'e hi'hioa eni.

petelo 2 1:15

te'o pnanfi ho ta'to'tohʉngva ho poa talʉaneni muu 'e hi'hioa eni no ataveisi ho ta'ucu mcoi.

petelo 2 3:1

songohia ci maananghia, 'e os'o tposi ci tengami maitan'e os'ocuc'o pa'ivaha. ta 'ayumona tamo yuso ci tengami, os'o conino poutʉs'ʉa muu 'emo ma'maica ci hi'hioa, poot'ova namo cofkoya ci lamu hia ma'to'tohʉngʉ.

petelo 2 3:17

at'inghi, songohia ci maananghia, imucu aueva cohivi 'emo maica ci hi'hioa, ntela etngoeva, tehes'ala boemi tola epeu ci eʉsvʉsvʉtʉ ho e'usna nomo yupeevai ci ceonʉ, ho poa mongoi nomo mahtʉicʉ cila yac'i.

yohane 1 2:21

mi'o tmopsʉ ta tengami ho faeni muu, o'a mos'a i'mi no o'a mimu bohngʉ to so'emio, mamo i'mi ho mimucu acʉhʉ bohngʉ, a'vinano cohivi na afu'u eknuyu acʉhʉ o'a mo i'mi no so'emio.

yohane 2 1:2

maica mo yonta 'tohʉngʉto 'o so'emio, a'vinano te 'auesiesi no'upu a'to.

yuta 1:17

at'inghi, songohia ci maananghia, teav'ala ta'payo'a 'o nia afu'u e'e to sitoo to nooe'oca iesu kilisto.

yuta 1:3

ngohia ci maananghia, la'u conino mici tengami muu ho yue'engha 'emo yaa natʉ'ca to to'usnu a'to ci a'a'ausna, at'inghi os'o yainca no koyu'u nte ʉmnʉ hoci'u aupcieva mi'usni muu ho eucufna, poa a'cʉ'cʉnʉ nomio to isic'o i'nʉska aucunva pa'cohivneni ta masisinto to hamo ci singkoo ho ehtothomʉ.

yuta 1:5

imu e'vono cohivi 'e acʉcʉhʉ eni, te'oc'on'a a'cʉ'cʉna poutʉs'ʉa muu: 'o nooe'oca isi yainenu na hiasi to'usni 'o 'isolaelu ho poa momeesih'i to 'ezivuto, ataveisi isicu aapayo'a 'o o'amo tmaa'uzo ci cou.