petelo 1 5:10 - buacou seiso no faeva esvʉtʉ

¹⁰ at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

petelo 1 5:10 ပူးပေါင်းရင်းမြစ်များ

luka 22:32

at'inghi os'ocu 'inolineni suu, poa o'te payo'neni suu na singkoo. ataveisi ho takocu miovei ho bi'usnu a'o, teko amamahtʉica 'o maanat'ohaesasu.>

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 15:5

i'ola mofi no buveici ho poucufnu ci hamo tesi'so to'usni muu ho poa yaa totiski cila hu'a'ausna, momaemaezo no peipeis'ausna to kilisto iesu.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

looma 9:11

at'inghi, tesi epa'teni ho isi a'ʉmta ieni no 'tohʉngʉsi ho epeiya 'omo cihi to oko, mo mi'usnu to lipaicia 'o hamo ho yainca: <'omo mameoi to oko te fifiho tomo okohe.> ne isi engha 'e e'e eni, o'amocu moso yayo 'emo yoso, uk'a mocu ci peis'ʉ'ʉmnʉ ho peiskuzkuzo; peelʉi aiti 'o hamo homo epei mio i'mi no iachisi 'tohʉngʉ, o'amo yupa natʉ'ca no peipeis'ausnahe.

looma 9:24

maica na a'to o'a anouc'o isi i'mi ta 'ayumona ta couyutaya, yaeza i'mi ta couyafana ho eyoho'a.

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 1 1:9

zou mou'ʉmtʉ 'o hamo; isi eyoho'a muu, ho poa tmuteuyunu to okosi namuu - 'o nooe'oca ci iesu kilisto.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

kolinto 2 4:17

'e imza yupteilʉneni ci moc'o akameosʉ ci 'atutumio, tesi hafneni no o'ate peelʉi ta'cʉ'ha ci 'auesiesi psoevohngʉ.

pilipi 4:13

ieni to isi pafeni to kilisto ci tonʉ, te'o peelʉi noseolʉi 'emo mav'ov'o ci a'a'ausna.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

tesalonike 1 2:12

lamza poucufna muu, ao'pova muu; lamza o'te tosveni eucucufna muu, la yono h'oyunsovamu ho noa ʉm'ʉmnʉa to hamo - isi eoho'a muu ho poa tma'upu no hpʉhpʉngʉ ho psoevohngʉsi.

tesalonike 2 2:14

ieni to omzala psoecʉ'ha muu ci fukuin, isi eoho'a to hamo na muu; isi eoho'a muu ho poa tma'upu no psoevohngʉ to nooe'oca iesu kilisto.

tesalonike 2 2:17

poucufna muu, poa yaa ma'ʉ'ʉteʉ ci 'tohʉngʉ. psoyaska ho peiseafi 'e acʉcʉhʉ cimo yonghu ci hi'hioa.

tesalonike 2 3:3

at'inghi, zou 'o'emio 'o nooe'oca; tesi peelʉi poa bimahtʉicʉ muu, o'te poa suv'ohneni tola kokuzo.

temote 1 6:12

yonta yupa toosa'o no singkoo ho pnanfi na tonʉ ho peayofʉ, yaeni no 'auesiesi nsou 'e iachi; 'amoeno nomio ta isi mituhci tan'e, miko noa eoho'a to hamo, yonta tuhcu tamo botngonʉ ho apa'ta esansana 'omo yonghu ci singkoo.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

temote 2 2:10

i'mi tan'e, mi'o nomio to isi epeiya to hamo ci 'o'okosi ho uveica 'e acʉcʉhʉ, te ko'ko peelʉi poa maezo mayo tomo i'mi to kilisto iesu ci to'usnu ho 'auesiesi ci psoevohngʉ.

hevulu 9:15

ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

petelo 1 1:15

'omo eyoho'ʉ muu ci hamo mo socofkoya; ta lamu afu'a hi'hioa te aa'pucva yaeza poa socofkoya.

petelo 1 4:10

'e macicihi ho mioeno acʉhʉ yaa mav'ov'o ci mengumi ho ʉmnʉ ci le'aʉt'ʉcʉ emoo to hamo, 'atelaeno maino imu tiova to hamo ci mav'ov'o ci mengumi ho yupa fifiho.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

petelo 2 1:3

ina tonʉ to hamo isicu acʉha faeni a'to na teto tititha ho mito boemi no singkoo ho yaansou; 'e mengumi eni isi ieni no bohngʉ tomo eyoho'ʉ a'to ho poa tma'upu no psoevohngʉsi ci hamo ho elʉa.

yohane 1 2:25

na eni 'ai'o ohsilaeno iachia teomneni to kilisto ho faeni a'to ci 'auesiesi nsou.

yuta 1:24

tesi peelʉi noʉt'ʉci to hamo na muu ho o'te poa smopcuku, poa uk'a heo'tʉ na muu, meelʉ kokaekaebʉ ho uhto tuhcu to psoevohngʉsi.