petelo 1 2:9 - buacou seiso no faeva esvʉtʉ

⁹ at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 1 2:9 ပူးပေါင်းရင်းမြစ်များ

matai 4:16

i'o mo no'ayumonʉ to voecʉvcʉ ci cou te teolʉ to meoino no tiskova; i'o mo yonto isi pe'ongki to mcoi ci cou. panto tiskova cite mahtiskou.

matai 5:16

totiski, na tiskovamu nte yaeza poa psoetiskou ta tuhcu ta cou, poa aitneni ta cou na ʉmnʉ ci lamu peipeis'ausna, teno tohmomoengʉ tomo yone pepe ci amomu.>

luka 1:79

isin'a i'mi ta pepe ho psoetiskovi 'emo afu'u yaansou ta isi pe'ongki no mcoi ci cou, engocha a'to ho poa smaimio no moususeomʉ ci ceonʉ.

yohane 17:19

nomio hin'i, os'o sʉ'teni suu 'e iachi, akoeva no yaeza a'ʉmta poa sʉ'teni suu 'e iachihe.

sitoo 20:28

temula iachi bumemealʉ, maezo nomio to ohsila toveineni muu to seilei ho aʉt'ʉca 'e kiokai ho bumemealʉ. la aʉt'ʉca 'o kiokai to hamo - 'aeno 'o isi ieni no mcoi to iachisi oko ho peʉezeni.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

sitoo 26:28

mi'usni to 'acipa 'o poolo ho yainca:

looma 9:24

maica na a'to o'a anouc'o isi i'mi ta 'ayumona ta couyutaya, yaeza i'mi ta couyafana ho eyoho'a.

kolinto 1 3:17

ko'koeno, hoci panonte eon'oi ta seiten to hamo, 'atasi ahtao'te aapapayo'a to hamo 'e cou eni; maica 'e seiten to hamo mo socofkoya, na muu 'aeno seiten to hamo.

'epeso 1:14

'o seilei isi hosoo a'to te tmacngihi no ohsi teomneni to hamo, faeni tamo tma'usnu ci cou na a'sʉftonʉ ci ziu. teto tohmomoengʉ no psoevohngʉsi!

'epeso 1:6

teto tohmomoengʉ to psoevohngʉ ci mengumi to hamo, maica isi taha'veni a'to 'o isi atva'esa ngohia ci okosi!

'epeso 3:21

tata'za hoci yonta taico ta kiokai ho ito 'ayumona to kilisto iesu, meelʉ mayo no tohmomoengʉ, acngucnguhu ac'ʉhʉ ho 'auesiesi! 'aamen.

pilipi 3:14

mi'o mi'usnu ta os'o mituhci ho pa'eusngʉcʉ, akoyu no mayo no hnoo; 'e hnoo eni 'aeno 'omo tma'usnu ne pepe ci faeva ci nsou, isi ieni to kilisto iesu to hamo ho eyoho'a a'o ho poa tiovneni.

kolosai 1:13

isi to'usni a'to ho poa momeesih'i no tonʉ no voecʉvcʉ, poa noskufu no tonʉ to songohia ci okosi ho poa yunsou a'to.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

tito 2:14

'o kilisto isi nomzi a'to ho ciha 'o iachi, to'usni a'to ho poa momeesih'i no afu'u kokuzo, poacu cofkoya ci 'o'okosi, tma'usnu to hamo, ho poa popeislʉlʉ.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

petelo 1 2:5

temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

mokusi 1:6

isi poa saisi ta hpʉhpʉngʉsi a'to, ho fifiho to amohamo. no'usnu'sio to iesu kilisto na psoevohngʉ ho tonʉ, ac'ʉhʉ no 'auesiesi! 'aamen.

mokusi 20:6

i'oisi peelʉi ta'ayumona ta mo i'nʉskʉ smoevovei ci cou te cofkoya ho ʉm'ʉmnʉ. 'o i'vaho mcoi uk'a ci tesi tonʉ no atʉkca 'emo maica ci cou; tena saisi to hamo ho ito kilisto, te toehungu 'o kilisto ho toposifou honte.

mokusi 5:10

osko poa saisi ci hpʉhpʉngʉ, noa fifiho to hamo; tenala atʉkcʉ ta ceoa.