petelo 1 1:20 - buacou seiso no faeva esvʉtʉ

²⁰ 'o kilisto zou ohsila ayoca epeiya to hamo ho o'amocu ohsila teyai 'e hpʉhpʉngʉ, yonta puesona ta lekisi ho nomio muu ho aopa'to.

petelo 1 1:20 ပူးပေါင်းရင်းမြစ်များ

matai 25:34

ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.

sitoo 2:23

'o hamo mo fiho to iachisi 'tohʉngʉ ho ino isi huyoyoci ho asvʉta no faeni muu 'o iesu; na muu imu ieni tola ma'peu ci cou ho spica to zuuzika. ho opcoza.

looma 3:25

o'aisi apemza ngohia to hamo 'o kilisto, titha 'o feangosi ho sʉ'teni, ieni to mcoisi, i'mi no tmaa'uzo ta cou hocu peteongasa na kuisi. homo maica 'e hioa to hamo 'aisieno pa'teni na iachisi moulʉlʉ.

looma 8:29

maica isi ayoca cohivi to hamo, isi ayoca epeiya, poa yaa totiski ci yu'ausna to okosi, ko'ko meelʉ yonta cono emoo to sinto 'o okosi ho sutmoyaevonʉ.

ngalatea 4:4

at'inghi, hotenac'u noc'ʉhʉ 'o hie, isicu popeoskuna to hamo 'o iachisi oko, noa peyafa to mamespingi, yunsou to skufu to hoolicu,

'epeso 1:10

ho tac'u no'sʉftonʉ na hiesi i'o tasi aepʉnga ci ohsi ta'koeva to hamo 'aeno: 'e ohsi afu'a teyai ta pepe ho ceoa tesi acʉha poa tma'usnu to kilisto. te papoevʉ 'o kilisto.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 3:11

hoisi yaica to hamo. isi i'tohungveni no 'auesiesi ci 'tohʉngʉsi; 'e 'tohʉngʉ eni micu i'mi to feango to nooe'ocato ci iesu kilisto ho peiseafi.

'epeso 3:9

poa cohivneni ta yatatiskova tesi yainenu to hamo na tesi hia peiseafi 'e ohsila ta'koeva ci moumsʉ'eonʉsi. yono nia auyusi ta hpʉhpʉngʉ, 'o moso mooyai ta mauhpʉhpʉngʉ ci nooe'oca - 'o hamo isi efʉnga 'e moumsʉ'eonʉ eni.

kolosai 1:26

'ai'o isieno acngucnguha mi'usneni ta yatatiskova ho sootoefʉnga ci moumsʉ'eonʉ; 'e moumsʉ'eonʉ eni. isicu sopopayoa ta mao'o'okosi maitan'e.

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

hevulu 1:2

at'inghi to puesona ta hie, isi ieni to okosi ho mi'usnu a'to ho aomotʉ'ʉ. 'e oko eni, 'o hamo ohsila ieni ho teyai 'e mouhpʉhpʉngʉ, a'vinano epeiya ho poa tiuskeni 'e aʉcʉcʉhʉ.

hevulu 2:14

'e 'o'oko eni ho mioeno acʉhʉ yaa hmuyu ho feango ci cou, 'o feango to iesu mio maezo totiski ho yaa yu'ausna ta cou. maicac'o, i'mi to mcoisi, tesi peelʉi aapayo'a 'omo tiʉt'ʉcʉ no mcoi ci 'akuma,

hevulu 9:26

hoci maica, ahoi ne ohcu teyai 'e hpʉhpʉngʉ, 'atesieno siho uveica na 'atutumzo. 'o kilisto isic'o i'nʉska aepʉnga sʉ'teni 'e iachisi, ta puesonasi ta hpʉhpʉngʉ, isi teyai sʉ'ta 'e iachi, ho acocofkoya na kuisi.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!

yohane 1 1:2

ne moso yuyafo 'e nsou eni, omzacu aiti; ko'koeno, temza mi'usnu muu ho 'akasi, a'vinano psoyaska 'o mohcu anana'o no'upu to amopepe, a'vinano micu aopa'to a'to ci 'auesiesi nsou.

yohane 1 3:5

imu cohivi, na atuhcusi homo aopa'to 'o kilisto tesi aapayo'a na kuisi; 'o kilisto uk'a ci kuisi.

yohane 1 3:8

nala a'cʉ'cʉnʉ peiskuisi, mo tma'usnu to 'akuma, maica ina 'akuma mosola asonghoi peiskuisi. nomio tan'e, micu aopa'to 'o oko to hamo, tesi atuhca aapayo'a na lasi hioa to 'akuma.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.