ngalatea 6:1 - buacou seiso no faeva esvʉtʉ

¹ maanat'ohaesa, hoci panola 'oc'ocic'o peis'epo, i'e mimucu tma'usnu no piepiya ci cou la boemi no bumama'cocacni ho eoveiya. temula maezo iachi bumemealʉ, ci tes'a maezo noa eepecvazi.

ngalatea 6:1 ပူးပေါင်းရင်းမြစ်များ

matai 11:29

temu ngov'eni 'e ngotohva'u. momaemaezo a'o, maica 'e 'tohʉngʉ'u mo ma'cocacni ho ma'einu. maicac'o, temucu meelʉ elʉ no soanono.

matai 26:69

mo yonto coca to yafana ho yusuhngu 'o petelo; panto cihi ci soskuskunu no mamespingi to taisaisi mo emo'usnu, yainca:

matai 26:75

isicueno talʉa to petelo 'o nia e'e to iesu: micu emoyafo 'o petelo ho mongsi.

matai 9:13

yainca to seiso: <> temu ta'to'tohʉngva na e'ausnasi tan'e! maica na te'o atuhca hioa ho mi'o cmʉ'ho o'ate'o eyoho'a namo ʉmnʉ ci cou, 'ai'o moeno kuici cou 'o te'o eoho'a.>

looma 14:1

'ola yoheoz'u 'o singkoo ci cou temula tiova, 'upena hoci yaa o'te totiski na lasi hu'a'ausna, yaeza teav'a 'ahʉya yʉhcʉvha.

looma 15:1

'e mito ma'tataso na singkoo ci cou, nte to'usni 'ola 'oha taso 'o singkoo ci cou, e'paevazi na cvʉhʉhe, o'ate m'eya iachi ma'mamso.

looma 8:6

nala ma'unu ta feango te mcoi; nala ma'usnu no seilei te yaa nsou ho soanono.

kolinto 1 10:12

ko'koeno, siya namo ma'unano mo iachi bʉʉlʉlʉ, siya nate afnaso bumemealʉ. ci tes'a smopcuku.

kolinto 1 14:37

hoci panonte iachi ma'unano mo epeaski no e'e to hamo, hocieno ma'unano mo yaa tma'usnu no mengumi no piepiya, ntesi cohivi 'e os'o faeni muu ci tposʉ mo i'mi no mashʉyʉ to nooe'oca.

kolinto 1 2:15

'emo tma'usnu to seilei ci cou, tesi peelʉi so'eusoya na huphina ta aʉcʉcʉhʉ. at'inghi uk'a cite meelʉ yʉsvʉtʉ ta cou tan'e.

kolinto 1 3:1

maanat'ohaesa, emza no a'ʉmtʉsi, cono hola'u mi'usnu muu ho ya'ei, o'amocu te ahta tamza no mimucu tma'usnu to seilei, ma os'oc'o ta'upa no mimu tma'usnu ta hpʉhpʉngʉ, ta singkoo to kilisto zouc'on'a foinana.

kolinto 1 4:21

nenusi na temu epeiyahe? nenusi no te'o mahafo no eobaknana, hocieno mahafo no himngonghi ho ma'cocacni ci 'tohʉngʉ ho uso?

kolinto 1 7:5

'e navconga teav'a peaezoni na 'to'tohʉngʉ ta suaepohʉ, mac'o ci akoyu no ma'mamhocni ho 'inoli, ho akameosʉn'a nopaevai no hopo; at'inghi no ataveisi te yuovei na anana'o natʉ'ca, temus'a o'te meelʉ atʉkcʉ ho noa eepecvaza no satan.

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 2:7

ma ntemucu coveoza ho au'po'pova, cites'a angu ma'eungzu na 'tohʉngʉ ho ma'papayo'ʉ.

kolinto 2 2:8

ko'koeno, te'o tata'za hocimu poa cohivneni, imu asansana ngohia.

ngalatea 5:23

ma'cocacni, aotʉkcʉ. 'emo maica ci hi'hioa uk'a cite ahtu meelʉ motano ci hoolicu.

ngalatea 6:18

maanat'ohaesa, na mengumi to nooe'oca iesu kilisto tesi'sola pafeni muu! 'aamen.

tesalonike 1 4:1

ataveisi, maanat'ohaesa, mimucu meelʉ momaemaezo a'mi ho yono h'oyunsova ho cohivi nate hia noa so'eʉ'ʉmnʉa to hamo - a'ʉmtʉsi, mimu apaezumo maica; maitan'e temia epici to ongko to nooe'oca iesu ho poucufna muu, temu'sola asuhcu bitotonʉ.

tesalonike 2 3:15

at'inghi, teav'a tahangʉa, la mais'a hola mi'usnu ta sinto ho poucufna.

temote 2 2:25

boemi no ma'cocacni ho eʉsvʉsvʉti 'ola mihango suu. saho'oa tesin'a fii no tesi hia ma'vovei to hamo, poa bohngʉ no so'emio.

hevulu 12:13

la asngʉcʉ mitomo sʉngcʉ ci ceonʉ, poa o'te aosu'u kuzo 'e micu toci'ci'o ci t'ango, apuyu i'momhomʉ yaa tonʉa.

hevulu 13:3

la talʉa 'ola noekotu ci cou, mais'a mimu maezo noekotu. la talʉa 'ola yonto 'atutumzo ci cou, mais'a mimu maezo yono 'atutumzo.

yakovu 3:13

ta taicomu panomo yaa mau'to'tohʉngʉ ho moutʉs'ʉ ci cou? hoci pano, nte ieni no a'sʉftonʉ ci ma'einu ho toutʉs'ʉ ci peipeis'ausna, ho peispa'teni na mo yonghu ci h'oyunsovasi.

yakovu 3:2

lato asngʉcʉ peis'epo. inala yono e'e ho o'te mat'epo micu a'sʉftonʉ ci cou; isicu peelʉi aucunva atʉkca 'e iachi.

petelo 1 3:15

la yaa ma'einu to kilisto ci 'tohʉngʉ, la atuhca mie'oci. hoci panonte mi'usnu muu ho poa esansaneni nalamu ta'usni ta 'tohʉngʉ, la coni no ae'ayocʉ ho yut'inga;

yohane 1 5:16

hoci pano mo baito no maanat'ohaesa homo peismi no o'amocu tesi aʉla tumzi ci kuisi, ntesi mi'usneni to hamo ho eoho'neni, tesi ahtao'te pafi no nsou to hamo. na eni ma isi pas'usna tola peismi to o'amocu tesi tumzi ci kuisi ho engha. at'inghi, panto te meaosu'u mcoi ci kuisi, os'o yainca 'emo maica ci kuisi o'a temu 'ahʉya eoho'neni.