ngalatea 4:17 - buacou seiso no faeva esvʉtʉ

¹⁷ 'omo maica ci cou la na'no em'ameongʉ muu, mo anana'o 'oha ʉmnʉ ci koyu. na atuhcuhe tehe akoeva no poa biachi a'o, poa meelʉ maezo na muu ho em'ameongʉ.

ngalatea 4:17 ပူးပေါင်းရင်းမြစ်များ

matai 23:15

<'emimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu nomio no 'ucia ev'ov'ihi ho poa fiho muu 'emo cihi ci cou. o'a lamu oyango no smaingabo ta maacaciku ta hpʉhpʉngʉ, totea ho tac'u a'ʉmtʉ bi'usnu muu. lamu teoteai ho poa asuhcu kuzohe muu, nte asuhcuhe tiyou no patvovei ne vooecʉvcana.

looma 10:2

te'o peelʉi soomei ho lahin'i a'ʉmtʉ cuveu ci 'tohʉngʉ ho mi'usnu to hamo, at'inghi 'e cuveu ci 'tohʉngʉhe. ma'imo i'tohungu no a'ʉmtʉ mau'to'tohʉngʉ.

looma 16:18

maica 'emo maicac'o ci cou o'ala fifiho to nooe'oca kilisto, lac'o ma'mamso to iachihe cfu'o. lac'o boemi to ecocohʉmʉ ci e'e ho paspepecvazi 'o 'tohʉngʉ to mo ma'cocacni ci cou.

kolinto 1 11:2

la'u emomoengʉa muu; maica ho lamu asngʉcva talʉa a'o, a'vinano noyʉci 'o o'u psoecingha muu ci h'omahsʉfta.

kolinto 1 4:18

ta taicomu, pantola ma'unano o'ate'o uhta lamu yoni, cu bifnaso.

kolinto 1 4:8

mimucu noyaemʉhʉ! mimucu atngaso! mimucu honte, hocu sko'usna ta ciepi a'mi. hocieno maica. os'o apuya ʉmnʉa hocimu a'ʉmtʉ honte, tenamza ko'ko maezo i'upu muu ho honte.

kolinto 2 11:3

os'o ta'sokoeva na 'tohʉngʉmu hoci mi'usnuhe nomo kuzo, ciha na ma'mamhocni ho cofkoya ci himngonghi to kilisto, totiski to 'eva ne moso noa pa'hipepecvazi to moezʉezʉhʉ ci fkoi.

ngalatea 4:16

te'o mi'usnu muu ho eʉlʉ maitan'e, temun'asi apuya hangʉ a'o?

ngalatea 4:18

hoci ma'cucuveu tamo ʉmnʉ ci hi'hioa mo anana'o ʉmnʉ, at'inghi o'ate anouc'o ho la'u no'upu niantemu maica.

pilipi 2:21

'o mocmo lac'o ma'koyu note koa ʉmnʉ ta iachi, o'ala talʉa na hi'hioa to iesu kilisto.

petelo 2 2:18

la mo'engho tomo bitano ho eloʉngʉ ci e'e, la boemi to boevovoyo ci koyu ho topani 'o lan'a aʉlʉ momeesih'i to kokuzo ci h'oyunsova ci cou.

petelo 2 2:3

'emo maica ci meyoyongensa nomio no ma'mamso 'o iachihe ma'konvosʉ, la boemi to isic'o teoteai ci ehohamva ho mi'usnu muu ho tʉspʉcʉ no yupasʉ. ahoi ne noana'o, 'o yʉsvʉtʉ to hamo lasi conino totea 'emo maica ci cou; o'atehe ahta noszozi na meaapayo'ʉ!