matai 5:8 - buacou seiso no faeva esvʉtʉ

⁸ 'ola tʉs'ʉ ci 'tohʉngʉ a'ʉmtʉs'a ʉm'ʉmnʉ; tehe teolʉi 'o hamo!

matai 5:8 ပူးပေါင်းရင်းမြစ်များ

sitoo 15:9

na a'to ho i'o couyafana, o'aisi yupa apaevaza to hamo, maezo i'mi homo tmaa'uzo ho poa cofkoya 'o 'tohʉngʉhe.

kolinto 1 13:12

'e ito aiti maitan'e mo mais'ac'on'a ongko ta huo'ongka, o'a isi husansana, ho noana'o tenala yupa mimi'usnu hocu husansana. maitan'e o'amocu mo a'sʉftonʉ na hia'u bohngʉ to hamo, ho noana'o tenala a'sʉftonʉ, aʉlʉ mais'a 'o hamo ho lasi a'sʉftona honga a'o.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

tito 1:15

hoci e'usna tola acocofkoya ci cou, la acʉhʉ cofkoya 'e acʉcʉhʉ; at'inghi hoci e'usna tola coca'i ho o'te tmaa'uzo ci cou, uk'a ci mo conci cofkoya ci macucuma, maica 'o ʉmnʉ ci 'tohʉngʉhe micu acʉhʉ kuici ca'i.

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 12:14

la asno'zonʉ nananghinghia to cou, mino mo socofkoya ci h'oyunsova; hoci uk'a socofkoya ci h'oyunsova uk'ana ci cou cite teolʉ to nooe'oca.

hevulu 9:14

na tesi aepʉnga to hmuyu to kilisto o'ates'aeno asuhcuhe man'i? ieni to 'auesiesi ci piepiya, isi aucunva teyai sʉ'ta 'o iachisi feango ho sʉ'teni to hamo. 'o hmuyusi tesi poa cofkoya 'e 'tohʉngʉto peuonva 'emo kuzo ci lato peipeis'ausna, poa meelʉ fifiho to 'auesiesi yaansoua ci hamo.

yakovu 3:17

at'inghi, 'omo i'mi ne pepe ci moutʉs'ʉ mo piyo cila humzi: 'o ahoisi zou cofkoya, 'o cnguhusi zoucu moususeomʉ, luaeinva, nanghia, nongcʉngci to himngonghi, meelʉ beahci nomo atngaso ci ʉmnʉ, o'ala ma'cachi, o'amo me'ʉ'ʉmnʉ.

yakovu 4:8

hocimu bicmu'u to hamo, 'atesi ahtao'te bicmu'i to hamo na muu. 'ola yaa kuisi ci cou, la poa cofkoya na emucumu! 'ola me'ʉ'ʉmnʉ ci cou, la poa cofkoya na 'tohʉngʉmu!

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

mokusi 22:4

tehe usa ho aiti 'o hamo, i'o ongkosi te tposi to sapcihe.