matai 5:5 - buacou seiso no faeva esvʉtʉ

⁵ 'ola ma'cocacni ci cou a'ʉmtʉs'a ʉm'ʉmnʉ; tahela tiuska 'o ohsila teomneni to hamo ci ezoezoyʉ!

matai 5:5 ပူးပေါင်းရင်းမြစ်များ

matai 11:29

temu ngov'eni 'e ngotohva'u. momaemaezo a'o, maica 'e 'tohʉngʉ'u mo ma'cocacni ho ma'einu. maicac'o, temucu meelʉ elʉ no soanono.

matai 21:5

usa ho eʉsvʉta to 'o'oko to hosa ne sii'an: aiti. micu cmʉ'ho si hontemu! mo ma'einu ho smopayo ta lova, smopayo ta f'uhu ta oko no lova.

looma 4:13

'o hamo ohsila teomneni to 'avulahamu ho ito mʉntʉ'casi, yainca tasila tiuska 'e hpʉhpʉngʉ. 'e teomneni eni o'amo i'mi no meot'ʉcʉ to hoolicu 'o 'avulahamu, mamo i'mi homo tmaa'uzo hocu yainca coumoʉlʉlʉ.

ngalatea 5:23

ma'cocacni, aotʉkcʉ. 'emo maica ci hi'hioa uk'a cite ahtu meelʉ motano ci hoolicu.

'epeso 4:2

temula ma'einu, ma'cocacni, luaveica, boemi no himngonghi ho yupa peteongaso,

kolosai 3:12

isi ngohia to hamo na muu, epeiya muu ho ta'okoa. ko'koeno, temula yaa himcocoveoi, himngonghi, ma'einu, ma'cocacni ho luaveica ci 'tohʉngʉ.

temote 1 6:11

inacu suu, lasi atuhca titha to hamo ci cou, la totoefʉngʉ ta acʉcʉhʉ tan'e. e'ofeihni no moulʉlʉ, einu, singkoo, himngonghi, luaveica, ho ma'cocacni.

temote 2 2:25

boemi no ma'cocacni ho eʉsvʉsvʉti 'ola mihango suu. saho'oa tesin'a fii no tesi hia ma'vovei to hamo, poa bohngʉ no so'emio.

tito 3:2

eucufna 'otela tokuzkuzo no mocmo ci cou. 'ote youbobai; la ma'popoha'o ho bunananghiya. boemi no ma'einu ci mi'ausna ho mi'usnu ta afu'u cou.

yakovu 1:21

ko'koeno, temula momeesih'i no afu'u 'oha ʉmnʉ ci h'oyunsova ho i'ola kokuzo ci peipeis'ausna, boemi no meo'uzo ci 'tohʉngʉ ho tiova na isi emʉ'a ta 'tohʉngʉmu ci e'e to hamo, 'ai'o teeno meelʉ to'usnu ta nsoumu ci e'e.

yakovu 3:13

ta taicomu panomo yaa mau'to'tohʉngʉ ho moutʉs'ʉ ci cou? hoci pano, nte ieni no a'sʉftonʉ ci ma'einu ho toutʉs'ʉ ci peipeis'ausna, ho peispa'teni na mo yonghu ci h'oyunsovasi.

petelo 1 3:15

la yaa ma'einu to kilisto ci 'tohʉngʉ, la atuhca mie'oci. hoci panonte mi'usnu muu ho poa esansaneni nalamu ta'usni ta 'tohʉngʉ, la coni no ae'ayocʉ ho yut'inga;

petelo 1 3:4

ntemu yaa yonghu ci 'ayumona, boemi no o'ate aapayo'ʉ ci ma'cocacni ho teyai ehoehongsʉ; na eni isi atva'esa hupepea to hamo.