mo pemcovhi 'o petelo ho to'ofeihni to iesu, ne micu sʉc'ʉhʉ to coca to taisaisi. mo yʉmeʉmʉ to coca 'o petelo. notvohʉ to kengsacu, tesi aiti tena mainenu na tasi ataveia a'a'ausna ta hi'hioa tan'e.
maica isi yainca to hamo: ta hiesi non'a tiova. te'o talʉi suu; ta hiesi non'a to'usni. te'o to'usni suu. talʉi'sio, maitan'e 'acueno hiesi no tiova na mengumi to hamo! maitan'e 'acueno hiesi no to'usni to hamo!
'o ataveisi imu cohivi, moso mici noa tooyokeoi to amosi, at'inghi mo noa hopsʉpseni; e'vono mongsi ho mici noa eovei, at'inghi 'anaisi peelʉi aezuha 'o ohsicu hioa ci hi'hioa.
at'inghi, nomio no o'te poa pa'hi'povneni no kuisi 'e cou ta taicomu ho kʉhtosʉ na 'tohʉngʉ, temula ieni ho panon'a isi yainca , huhucmasi yupa poucufnu.
