matai 27:1 - buacou seiso no faeva esvʉtʉ

¹ nemo taseona, 'o afu'u saisicoo ho i'o coolo to couyutaya mo toʉsvʉsvʉtʉ, te opcoza 'o iesu.

matai 27:1 ပူးပေါင်းရင်းမြစ်များ

matai 23:13

<'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu apa'to yonta tuhcu ta cou ho amʉta 'o phingi to hpʉhpʉngʉ ne pepe, lamu iachi o'te yʉmeʉmʉ, yaeza o'te poa yʉmeʉmʉ 'onte mici yʉmeʉmʉ ci cou!

maluko 15:1

taseonasi no mivahi, mo 'aumeumeusu toʉsvʉsvʉtʉ 'o saisicoo, coolo, lema'cohio seiso, ho acʉcʉhʉ 'o ngikai, esvʉta 'o ihe ta'koeva. ihe seo'eisi 'o iesu, e'usna yaita'e, toveineni to pilato.

luka 13:1

ne mio, tomo yonto ic'o ci cou panto mo mi'usnu to iesu ho eʉsvʉta, yainca mo piyo ci coungalilaya nemo seolʉa no mi'usnu to hamo ho sʉ'tʉ mo noa opcoza to pilato.

luka 22:66

ne micu tiskova, 'o coolo saisicoo, ho i'o lema'cohio seiso to couyutaya, mo yu'eteuyunu, ivaha hafa 'o iesu ho uhto ngikaihe.

yohane 18:28

ihe hafa i'mi to emoo to kaiyafa 'o iesu ho po'usna to sootokufu. ne mio micu moseo'ohngʉ. 'o matataicini to couyutaya o'amo yʉmeʉmʉ to sootokufu, maica te bucocofkoya homo seolʉa no memesi, te akoyu no bonʉ no eabobonʉ no meem'esa'o.

sitoo 5:21

cu tmalʉ ta e'e tan'e 'o sitoo, ne tec'u mon'i tiskova cu yʉmeʉmʉ to seiten, ahoi mo'ma'cohio to cou. 'o taisaisi ho i'o lahe eahafa ihe eteuyuna to ngikai 'o afu'u coolo to yutaya ho toehungu toʉsvʉsvʉtʉ, atavei smuhnu ho uhto poo'usna tehe e'eafi 'o sitoo.