matai 23:15 - buacou seiso no faeva esvʉtʉ

¹⁵ <'emimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu nomio no 'ucia ev'ov'ihi ho poa fiho muu 'emo cihi ci cou. o'a lamu oyango no smaingabo ta maacaciku ta hpʉhpʉngʉ, totea ho tac'u a'ʉmtʉ bi'usnu muu. lamu teoteai ho poa asuhcu kuzohe muu, nte asuhcuhe tiyou no patvovei ne vooecʉvcana.

matai 23:15 ပူးပေါင်းရင်းမြစ်များ

matai 23:13

<'e mimu me'ʉ'ʉmnʉ ci lema'cohio seiso ho coufalisai te elʉ no ku'kuici! lamu apa'to yonta tuhcu ta cou ho amʉta 'o phingi to hpʉhpʉngʉ ne pepe, lamu iachi o'te yʉmeʉmʉ, yaeza o'te poa yʉmeʉmʉ 'onte mici yʉmeʉmʉ ci cou!

matai 3:7

isi aiti to yohane mo 'enepio ci coufalisai ho cousatukai mo maezo esmi ho noa toonono, isi mi'usni ho yainca: <'e 'oahngʉ no mahiz'o ci fkoi! tec'u mon'i esmi na yʉsvʉtʉ to hamo, mimun'asi ma'unano temu meelʉ toekameosʉ totoefʉngʉ?

matai 5:22

at'inghi te'o eʉsvʉta muu, nala mi'usnu no nat'ohaesa ho ma'sʉsʉ'no, nte maezo tiou no yʉsvʉta; nala ekvo'ʉ no nat'ohaesa ho yainca <>, te uhne hooin; ekvo'ʉ no nat'ohaesa ho yainca <>, o'ate tomempuesu no puzu ne vooecʉvcana.

matai 5:29

hocisi poa peiskuisi ta vhona ta mcoosu, te yuyafi ho ciha! hoci payo'a 'e moc'o okosi ci 'oahngʉ ta feango te ʉmnʉhe no aucunva to'seni ne vooecʉvcana 'e feango.

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

sitoo 13:10

mi'usni ho yainca:

sitoo 13:43

ataveisi ne micu aemo'ʉ. botngonʉ ci couyutaya ho i'omo bi'usnu to yutayakio ci couyafana mo to'ofeihni to poolo ho panapa, ihe cucufni tamo yoso ci sitoo la a'cʉ'cʉnʉ noe'ocʉ to mengumi to hamo.

sitoo 14:19

at'inghi, panto piyo ci couyutaya mo i'mi to 'antia ne pisiti ho ine 'ikonen ho esmi; ihe teouskuni 'omo botngonʉ ho poa mayo to fatu ho tokʉi 'o poolo, ihe ta'unano micu mcoi, cu easasa ho e'eafi ta hosa.

sitoo 14:2

at'inghi, i'o o'amo tmaa'uzo ci couyutaya ihe poot'ova 'o couyafana, poa himkuzo to sinto.

sitoo 17:13

at'inghi, ne ihe tac'ʉhi to couyutaya ne tesalonike homo maezo yone piliya 'o poolo ho psoyaski no e'e to hamo, cu usa ho 'afeo'fu'u, poot'ova 'o botngonʉ.

sitoo 2:10

fulika, pangfuiliya, 'ezivuto, ho i'omo i'mi tomo nocmu'u ne kulinai ci cou to mia'usnu to lipiya, panto mo maezo i'mi ne looma,

sitoo 6:5

i'o 'tohʉngʉhe ta sitoo. mo acʉhʉ tohmʉskʉ 'e botngonʉ. ihecu toehunga poe'oha 'o sutepana; 'e sutepana mo yaa mahtʉicʉ ci singkoo, isi nongcʉngci no seilei ci cou; ihe i'vaha epeiya 'o fuili, polokolo, nikano, timong, pamina, ho i'o moso la i'upu to yutayakio ci cou'antia ci nikola.

ngalatea 4:17

'omo maica ci cou la na'no em'ameongʉ muu, mo anana'o 'oha ʉmnʉ ci koyu. na atuhcuhe tehe akoeva no poa biachi a'o, poa meelʉ maezo na muu ho em'ameongʉ.

ngalatea 6:12

i'ola kaebʉ paata'e ta yafanasi ci cou. 'ai'olaeno 'ahʉyʉ poa tiou no s'e'honga muu ci cou. homo maica na lahe hioa, 'alaeno ngoheʉngeʉ hoci nomzo to zuuzika to kilisto ho noa pohtutumza.

'epeso 2:3

a'ʉmtʉsi, ne auyusi 'e mito macicihi, mohtola totiski ta a'a'ausnahe, poa 'aʉnpʉnpʉ 'e ma'konvosʉto ta yu'ausna ho mee'ofeihni ta iachi 'tohʉngʉ. ko'koeno, o'amito toskucuhe ta mocmo ci cou, isi acʉha asvʉta no tiou no patvovei to hamo.