ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.
ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.
aʉlʉ mais'a 'o isi engha to seiso: i'o isi ayocneni ta isi ngohia to hamo, o'amocu ohola aiti ta mcoo, o'a mocu ohola talʉi ta koyu, maezo o'a ohela ta'cʉ'ha ta cou!
maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.
i'o ihe tongsoya zou 'omo yone pepe cimo asuhcu yonghu ci emoo; ko'koeno, 'o hamo o'aisi h'oinveni ho lahe yainca hamo, maica ho isicu ayocneni no tehe yoni ci conci hosa.
zou yohane a'o - ohaesamu. mi'o i'upu to iesu ho e'to'usni na ngoseomu, toehungu buveici, te maezo tma'upu no hpʉhpʉngʉsi. nomio no psoyaska na e'e to hamo ho i'o isi paavi to iesu ci so'emio, ohela poekotva to isi yainca paamo ci hpʉhpʉngʉ a'o.
