22 yainca to iesu:
maica i'o hpʉhpʉngʉ ne pepe mo mais'a 'ete engha ci ehohamva: pano cihi ci honte tesi taepʉnga na yuevaha no soskuskunusi.
holamu yac'ʉ ho 'inoli, la aueva peteongasa nala mi'usnu muu ho peis'epo ci cou; maicac'o, 'o amomu pepe tesi yaeza peteongasa na peis'epomu.>
ko'koeno, teav'a poa atpʉtʉneni no kuzo, la boemi no ʉmnʉ ho atpʉtʉ no kuzo.
hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no,
temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.
hocila yaa yupa ep'ʉcʉ la conino yupa peteozu, yupa peteongaso; mo mainenu na lasi hia peteongasa muu to nooe'oca, tela maezo mainenu na temu hia peteongaso no mocmo ci cou.
yontomo mav'ov'o ci nouteuyunu, os'o tata'za 'e haahocngʉ la 'inoli, ma'einu ho eepza 'e emucu ho 'inoli, 'otela masʉ'no, 'otela yupa eehcʉvho.
