ko'koeno, os'o e'vono tposi 'o tengami ic'o, at'inghi o'aos'o tposneni tola peis'epo ci cou, o'aos'o h'unasa tposneni tola noa efkica ci cou. apuyu, 'o atuhcusi ho os'o tposi 'o tengami, te'o eʉsvʉta nala hia cuveu ci 'tohʉngʉ ho lamu mi'usnu a'mi.
maanat'ohaesa, hoci panola 'oc'ocic'o peis'epo, i'e mimucu tma'usnu no piepiya ci cou la boemi no bumama'cocacni ho eoveiya. temula maezo iachi bumemealʉ, ci tes'a maezo noa eepecvazi.
hocila yaa yupa ep'ʉcʉ la conino yupa peteozu, yupa peteongaso; mo mainenu na lasi hia peteongasa muu to nooe'oca, tela maezo mainenu na temu hia peteongaso no mocmo ci cou.
yonta mo maica ci hi'hioa, 'otes'a yaa 'oha einu tola toteuyunu hocieno yaa aaknuesu ci peipeis'ausna. omzacula mi'usni muu ho eʉsvʉta, yaeza engahva muu: 'atasi ahtao'te patvovei to hamo 'emo maica peis'epo ci cou.
totiski, 'e mamespingi, ntemu meo'uzo to iachi vcongʉ, te ko'ko buhmi no lamu ʉmnʉ ci peipeis'ausna na o'amo tmaa'uzo ci vcongʉ ho aezuhu. o'atemu nama man'i ci e'e,
