isi mi'usni to iesu 'o tesi ho mo'engho tomo h'unasi ci epo'usa: <'o hpʉhpʉngʉ ne pepe mo mais'a conci tutu no chae enghova, ihe emʉ'a to ezoyʉ to cou.
yainca to iesu: <'e yatatiskova ta hpʉhpʉngʉ maitan'e mo mainenu na hia uk'a singkoo, mainenu na hia tokuzo! mate'o noa'a'vi muu? mate mainenu na hia noana'o ho te'o uveica muu? hafa uhtan'e na oko!>
te'o bumemeala eʉsvʉta muu, honcimu mi'usnu ta hcuyu tan'e ho yainca: <> hoci o'te ma'pepecvai na 'tohʉngʉ, ta'sansana 'e e'esu 'ate ahtao'te peelʉi, 'e hi'hioa eni 'ate ahtuo'te nomzo muu ho esmi.
hoci'ueno yaa tonʉ no meemealʉ eʉsvʉsvʉtʉ, a'vinano yaeza hʉh'ʉti 'e mav'ov'o ci mau'to'tohʉngʉ, mav'ov'o ci moumsʉ'eonʉ, ac'ʉhʉ no yaa mahtʉicʉ ci singkoo ho peelʉi soezuha 'e hcuyu ho hoyuha ne etʉpʉ, hoci uk'a himngonghi, uk'a ci tesi nama a'a'ausna.
