ohsicula engha to tposʉ to eyongensa: <<'e cou te acʉhʉ noa po'pa'cohivi to hamo.>> namo afu'u tmalʉ to amo ho tiou no lasi hia mo'ma'cohio, te acʉhʉ uso a'o.
maanat'ohaesa, 'e te'o engha zou: 'e isi teyai ta hmuyu ho fou ci feango o'ate meelʉ tiuski no hpʉhpʉngʉ to hamo, i'ote kuzo o'ate meelʉ tiuski no o'ate kuzo.
ne ohsicu esvʉta no mi'usneni a'o ho paavi 'o okosi, poa yonto couyafana ho epeaska 'omo natʉ'ca 'o fukuin to kilisto, o'amo'u ahtu mi'usnu no mocmo ho noa po'pa'cohivi,
ne auyusi, 'o hamo o'a mocu ohsila ahta mi'usneni no mocmo ci cou ho pa'teni 'e moumsʉ'eonʉ eni, maitan'e isicu ieni to seilei ho mi'usnu ta sitoo ho ito eyongensa hocu paavi.
maica o'amito mi'usnu tamo yaa hmuyu ho yaa feango ci cou, mito mi'usnu to h'aokuv'o ta mouhpʉhpʉngʉ, 'o teto mi'usni 'ai'olaeno aʉt'ʉcʉ, tʉʉt'ʉcʉ ta voecʉvcʉ ci hpʉhpʉngʉ, ho ito tonʉ no kokuzo ta hpʉhpʉngʉ.
'e 'o'oko eni ho mioeno acʉhʉ yaa hmuyu ho feango ci cou, 'o feango to iesu mio maezo totiski ho yaa yu'ausna ta cou. maicac'o, i'mi to mcoisi, tesi peelʉi aapayo'a 'omo tiʉt'ʉcʉ no mcoi ci 'akuma,
te'o ieni ta ongko no'u coolo ho mi'usnu ta mimu maezo coolo ci haah'o ho noa 'tohʉngʉ. na a'o la'u 'akasi 'o 'atutumzo to kilisto ci cou, tma'upu to tenala epa'teni ci psoevohngʉ ho noana'o. te'o m'em'ene muu,
ito cohivi, micu cmʉ'ho 'o oko to hamo, a'vinano pafi no toutʉs'ʉ na a'to, ko'ko poa bohngʉ to a'ʉmtʉ hamo na a'to. mito no'ayumonʉ no nsou to a'ʉmtʉ hamo. 'aeno 'ayumona to nsou to okosi iesu kilisto. zou a'ʉmtʉ hamo, 'aeno 'auesiesi ci nsou.
