lahe seoteuyuna 'ola ecvʉhʉ ho i'omo ngoveo ho ngov'eni to ei'si to mocmo ci cou, iachi o'ala maka poa aot'ou namo coni ci lulku ho poa e'sop'o na mocmo.
homoeno maica, mainci imu aac'o hʉsvʉta 'o hamo, ahoi to nia maameoito ac'ʉhʉ a'to, 'e o'aito iachia pasvo'ha ci ngotohva, mainci siya ta ei'si ta tesi ta couyafana?
tamo mav'ov'o ci hi'hioa la'u aa'pucva teongasneni no temula yoyayaeza, eʉsvʉta muu nte anana'o maica na tela hia tvaezoya ho to'usnu tola aviovio ci cou. la talʉa 'o nia e'e to iesu: <> >
te akoeva no poa meelʉ mayo no ziu na a'to, isicu psoevoyunga to kilisto a'to. ko'koeno, temu mit'oengonʉ, teav'a poa peotʉkceni no ngotohva no tolei na muu.
'e mimu notutumzo ci cou tesi poa totiski a'mi ho psoevoyunga. 'o nooe'oca iesu ho i'o yaa tonʉa ci tensi ho tena i'mi ne pepe ho no'ayumonʉ to yafeu ho aopa'to, tesicu hioa to hamo na eni.
ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.
'o seilei ho mamespingi mo mainca: namo afu'u tmalʉ ci cou nte maezo yut'ingi mainca: uhtan'ecu, acʉhʉ uhtan'e namo mecu ci cou; nate smoekaebʉ ci cou te tamaha'o ta chumu no nsou.
