i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.
os'o ta'sokoeva na 'tohʉngʉmu hoci mi'usnuhe nomo kuzo, ciha na ma'mamhocni ho cofkoya ci himngonghi to kilisto, totiski to 'eva ne moso noa pa'hipepecvazi to moezʉezʉhʉ ci fkoi.
temueno meelʉ yonta mo kuzo ho aknon'i ci hpʉhpʉngʉ ho cocofkoya, meelʉ uk'a heo'tʉ ci 'o'oko to hamo. temula psoetiskou ta 'ayumona ta yatatiskova, mais'a 'o congeoha hola psoetiskou ta engʉca.
i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.
mi'usnu ta mimu sinto, 'e lamza e'e ho i'e peipeis'ausna la acʉhʉ cofkoya, ahmʉskʉ, ho uk'a 'o'emamzi no koica. ta tan'e, na muu ho i'o hamo 'ateeno acʉhʉ meelʉ 'akasi.
