matai 10:15 - buacou seiso no faeva esvʉtʉ

¹⁵ te'o a'ʉmta eʉsvʉta muu, to hiesi no yʉsvʉtʉ, ina ohela elʉa to sotoma ho 'omola ci patvovei maten'a sop'ohe ta tehe elʉa to yane'e!>

matai 10:15 ပူးပေါင်းရင်းမြစ်များ

matai 12:36

matai 5:18

te'o a'ʉmta eʉsvʉta muu, hocin'a afu'u yayo 'e hpʉhpʉngʉ. 'emo conci topca, cono meesʉzʉ ci tposʉ ta hoolicu o'ate aapayo'a, ac'ʉhʉ ho tac'u noepʉngʉ 'e aʉcʉcʉhʉ.

matai 7:22

ho tena cmʉ'ho 'o puesona ta hie, botngonʉ 'o tena mi'usnu a'o ho mainca: <>

maluko 6:11

'upena ho cimu sʉc'ʉhʉ nenu, hocihe o'te aʉt'ʉca no yano ic'o na muu, yaeza o'te talʉi na e'emu, temu mongoi no ic'o, topsʉpseni na yompuhu ta caphʉmu, mais'a no imu mi'usni ho engahva.>

yohane 12:48

namo bʉʉpsʉpʉ a'o, o'te tiou ta e'e'u ci cou panto tena yʉsvʉtʉ; no puesona ta hie, 'aeno 'e os'o afu'a engha ci e'e tasila yʉsvʉta!

yohane 6:39

i'o 'tohʉngʉ tomo popeosmuhnu a'o ci ic'o zou: 'o isi afu'a faeni a'o ci cou, o'ate cihi nate tipeoha, a'vinano te poa smoevovei no puesonasi ta hie.

yohane 6:40

maica ina 'tohʉngʉ to amo tesi acʉha poa mayo no 'auesiesi nsou nate afu'u baito ta oko ho tmaa'uzo; no puesona ta hie, te'o poa smoevoveia.>

sitoo 17:31

maica isicu esvʉta na hiesi, tesi ieni to isi epeiya ci mo cihi, boemi no moulʉlʉ ho yʉsvʉta 'e mauhpʉhpʉngʉ; ieni no i'mi no mcoi ho smoevovei 'emo cihi, isicu faeni ta yatatiskova 'e huomza.>

kolinto 1 3:13

ho tac'u esmi na hiesi no yʉsvʉta, na hia ʉmnʉ no isi teyai tamo macicihi tena acʉha hupopayoi; maica ina yafeu ci puzu tasi hʉsvʉta ho poa payoa na isi teyai tamo macicihi ci cou, tec'u yuyafoa namo a'ʉmtʉ ʉmnʉ.

tesalonike 1 5:4

at'inghi. maanat'ohaesa. o'amimu yunsou no 'ayumona no voecʉvcʉ; na hiesi ho mio o'ate mais'a thokeainʉ ho aemo'au esmi.

hevulu 10:25

'otes'a maezo tola at'ocʉ o'tena i'upu yu'eteuyunu ci cou, tela yupa poucufnu; ho isieno cohivi tec'u mon'i cmʉ'ho na hiesi to nooe'oca, ntemu asuhcu maica.

petelo 2 2:6

ohsi patkuzoi to hamo 'omo yuso ci hosa sotoma ho 'omola, mʉchʉ no puzu ho poa hoapapayo'ʉ, poa huthaeveni tola o'te tmaa'uzo ci cou.

petelo 2 2:9

lasi cohivi to nooe'oca te yainenu na tesi hia to'usnu tola tmaa'uzo ci cou ho poa mongoi no hʉsvʉta, yaeza cohivi te yainenu ho teongasi 'omo kuici cou, aavaho 'ola peisnou no smoc'ou ci feango, ho i'ola potfʉngʉ to tonʉ to hamo ci cou, tasi toteni no hiesi no yʉsvʉtʉ ho patvovei. 'emo maica ci meknuyu ci lema'cohio la yameomʉ ho 'aʉnpʉnpʉ, o'amo anou o'te einu tonte so'einva ne pepe, lean'a apuya aokoe'iya;

petelo 2 3:7

'e engʉca ho ceoa maitan'e, te totiski ieni no e'e to hamo ho songacva, tena totea na hiesi ho tac'u noa yʉsvʉta, ho aapayo'a 'o o'amo tmaa'uzo ci cou, ko'ko boemi no puzu ho hmoi.

yohane 1 4:17

maicac'o, na himngonghi cu ieni a'to ho a'sʉftona peiseafi, poa o'te ma'sasmoyo no hiesi no yʉsvʉtʉ na a'to; teto asansano meelʉ maica, maica ho mito yonta hpʉhpʉngʉ mo yaa totiski to kilisto ci nsou.

yuta 1:6

teav'a ta'payo'a 'o mosola iachi o'te noyʉyʉcʉ, ho mongoi to isi yac'i ci matetensi, isi seo'eisi to 'auesiesi o'ate peelʉi yunga ci ekʉka ho seo'tʉneni tomo mʉ'eona ho voecʉvcʉ; isi poekotva ne ne'e to hamo, mooteo to meoino no hiesi no yʉsvʉta.

yuta 1:7

ho i'omo yone sotoma, 'omola. ho i'o cou to cum'usi ci hosa. mo totiski to mosola maica ci tensi, la smoc'ou 'o peipeis'ausnahe, fiho to peis'aʉnpʉnpʉ ci poc'ou, nomio tan'e te patvovei ho tiou no 'auesiesi o'ate afsi ci puzu. 'e hi'hioa eni te teyaineni note huthaeva tamo macicihi ci cou.