yuyafo 'o tesi, nongongabo ho psoyaska 'o fukuin; isi toehungneni yaahioa to nooe'oca, ieni to ihe hioa ci peispopo'e, soomei 'o ihe psoyaska ci e'e zou mou'ʉmtʉ.] panto h'unasi cimo noana'o ci tposʉ mo maica 'o hiasi etavei. [
auyusi no meem'esa'o, isi cohivi to iesu 'e hiesi no mongoi ta hpʉhpʉngʉ, ho yuovei to amosi. lasi asonghoza ngohia 'omo tma'usnu ta iachisi ci cou, isi ahoza to ahoisi ac'ʉha to ataveisi ho angongohia.
isicu taspepza ho yonto vhona to hamo, a'vinano i'mi to amosi ho tiova 'o ohsi la teomneni ci seilei. i'e imu aiti talʉi maitan'e, 'aisieno ho'usna a'mi to hamo ci mengumi.
homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!
la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.
isi psoevoveiya 'o tiskova to hamo, yaeza a'sʉftona psoe'ongka 'o atuhcusi feango to hamo; isi yomza to meoino tonʉ ci e'esi ho e'oca 'e aʉcʉcʉhʉ. ataveisi ne ohsicu ateop'ʉca 'e kuisi ta cou, cu yusuhngu to vhona tomo soyaatonʉa ne pepe.
teto michʉmʉ to iesu, maica 'aeno iesu 'omo moteongfongfo ho moteoepʉngʉ ta singkooto. o'amo boevovei to tuhcu to zuuzika; apuyu, nomio tomo mooteo ci 'aveoveoyʉsi, o'aisi maka cumasa na aokoe'iya homo mcoi to zuuzika. maitan'e micu yusuhngu to vhona to suoca'ha to hamo.
homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.
maicac'o, 'o iesu 'aeno 'o ito tata'ia ci teto noe'oci ci taisaisi. zou socofkoya, uk'a peis'epo, uk'a kuisi; isi i'mi tamo yaa kuisi ci cou ho ah'una, taspepza ho poa noepehe ta maepepe.
'o kilisto ma'imo yʉmeʉmʉ to isi teyai ta cou ci socofkoyana; mac'o hu'ongka to a'ʉmtʉ socofkoyana. mo yʉmeʉmʉ ne pepe, yac'ʉneni to tuhcu to hamo a'to.