maluko 16:17 - buacou seiso no faeva esvʉtʉ

¹⁷ namo tmaa'uzo te yaa tonʉ no peispopo'e: te boemi ta ongko'u ho meobango no hicu, mo'engho tomo faeva ci e'e no piepiya,

maluko 16:17 ပူးပေါင်းရင်းမြစ်များ

maluko 9:38

mi'usnu to iesu 'o yohane ho mainca:

luka 10:17

'omo mpʉtvʉhʉ ueso ci cou mo kokaekaebʉ ho esvovei, eʉsvʉta ho yainca:

yohane 14:12

te'o bumemeala eʉsvʉta muu, i'omo tmaa'uzo a'o tesi yaeza hioa 'e os'o hi'hioa, a'vinano te asuhcuhe meoisi 'o tesi hioa, maica te'ocu uhto amo'u.

sitoo 10:46

maica ho ihe talʉi 'emo maica ci cou mo epiepiya, a'vinano tohmomoengʉ ho emamau'no'na'o to hamo. isicu yainca to petelo:

sitoo 16:18

mo aʉlʉ 'enepio no hie homo maica ci moozoyʉ; isi sohpoza to poolo homo koakuzo, miezuhu ho mi'usni 'o h'aokuv'o ho yainca: micu osni yuyafo 'o h'aokuv'o.

sitoo 19:6

isi hoe'oci to poolo, cu ohpueho to feangohe 'o seilei. micu epiepiya, a'vinano epeaski to e'e to hamo.

sitoo 2:33

isicu taspepza ho yonto vhona to hamo, a'vinano i'mi to amosi ho tiova 'o ohsi la teomneni ci seilei. i'e imu aiti talʉi maitan'e, 'aisieno ho'usna a'mi to hamo ci mengumi.

sitoo 5:16

panto mon'a botngonʉ ci cou mo mahafo tomo tma'congo ho i'o isi cʉnghi no h'aokuv'o. mo i'mi to mayoyou to cum'usi ne 'elusalemu ho esmi; 'emo maica tma'congo ci cou mo acʉhʉ ʉmnʉ ci yov'o.

sitoo 8:7

mo moozoyʉ 'o h'aokuv'o ho i'mi to ihe cʉnghi ci cou ho yuyafo, botngonʉ cimo meaupsu'hu, pi'o ci cou mo acʉhʉ noa aotothoma.

kolinto 1 12:10

'o seilei isi pafeni ta cou tan'e na tonʉ no po'e, pafeni ta cou ta'e na mengumi no meemealʉ evaho no e'e to hamo, pafeni nomo cihi na tonʉ no bohbohngʉ no moipiepiya, isi faeni tamo h'unasi na tonʉ no epiepiya, isi i'vaha faeni tamo cihi na tonʉ no evaho tamo epiepiya.

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

kolinto 1 12:30

o'ate acʉhʉ meelʉ aotothomʉ, o'ate acʉhʉ meelʉ epiepiya, o'ate acʉhʉ meelʉ evaho ta epiepiya.

kolinto 1 13:1

'upena hoci'u meelʉ tamo mav'ov'o ci e'e ta yatatiskova, ac'ʉhʉ no e'e no tensi, hoci uk'a himngonghi, 'e e'e'u teec'o mais'a 'ola ptaʉngʉ ci lungu ho i'ola moengʉ ci lingi.

kolinto 1 14:2

i'ola epiepiya o'amo mi'usnu ta cou ho ya'ei, mamo mi'usnu to hamo, maica uk'a cite tma'hongʉ to e'esi. isi ieni to seilei ho engha na moumsʉ'eonʉ ci so'emio.