maluko 15:21 - buacou seiso no faeva esvʉtʉ

²¹ to ceonʉ, ihe lʉa 'omo cihi ci cou, zou saimong 'o ongkosi, mon'a aʉlʉ i'mi ne yafana te yʉmeʉmʉ ta hosa, ihe e'hʉhʉi ho poa hafneni 'o zuuzika to iesu ('e saimong zou coukulinai, zou amo to 'alisanta ho luufu).

maluko 15:21 ပူးပေါင်းရင်းမြစ်များ

matai 27:32

ne micu emoyafo, lʉa 'o cihi ci coukulinai, zou saimong 'o ongkosi, ihe 'ahʉya poa ngoeveni 'o zuuzika to iesu.

matai 5:41

hoci panonte e'hʉyʉ suu ho 'ahʉya pahafi no macucumasi ho poa mino mo 1 kilo ci ceonʉ, 'ateeno moeza fihi ho coeconʉ nomo 2 kilo ci ceonʉ!

maluko 15:20

aepʉnga keematmohi, ihe toveuca 'o yʉsʉ no tatposa, pateovoveineni 'o iachisi yʉsʉ, ihecu hafa yuyafo ho spica to zuuzika.

luka 14:27

hoci o'te mimha ngoevi na iachi zuuzika ho to'ofeihni a'o, maezo o'a te'o peelʉi teyai tesi.

luka 23:26

ihecu hafa to heetai 'o iesu, lʉa to ceonʉ 'omo cihi cite akoyu no yʉmeʉmʉ ta hosa ci coukulinai, zou saimong 'o ongkosi. ihe tʉtpʉta, ngov'eni to ei'sisi 'o zuuzika, poa ngoeveni, ho uafeihi to iesu.

yohane 19:17

mo yuyafo 'o iesu, ngoevi 'o iachisi zuuzika, sʉc'ʉhʉ to (yainca to e'e no hevulu ngolungo).

sitoo 11:20

at'inghi, mo yaa piyo ci mo i'mi ne saipulusu ho kulinai ci sinto mo esmi ta 'antia; mo maezo mi'usnu to coungilisia ho eʉsvʉsvʉta 'omo natʉ'ca 'o nooe'oca iesu ci fukuin.

sitoo 13:1

to 'ayumona to kiokai ne 'antia, panto piyo ci eyongensa ho lema'cohio, 'ai'oeno panapa, siimen ( 'o tos'ongkasi), coukulinai ci luciu, i'omo yuahmʉhmʉskʉ 'o honte helote ci maanen, ho i'o saulo.

sitoo 2:10

fulika, pangfuiliya, 'ezivuto, ho i'omo i'mi tomo nocmu'u ne kulinai ci cou to mia'usnu to lipiya, panto mo maezo i'mi ne looma,

sitoo 6:9

at'inghi panto mo yu'hango ci cou; 'emo maica ci cou mo tma'usnu to kaitoo tola yainca pai'upi 'o mo i'mi ne kulinai ho 'alisanta ci couyutaya. mo toehungu 'o mo i'mi ne cilicia ho i'mi ne 'azia ci couyutaya. ho yupa eehcʉvho 'o sutepana.

looma 16:13

tuayokeo to luufu; zou cihi cimo afnaso yaa ongko ci leyaahioa to nooe'oca; yaeza tuayokeoi 'o inosi - lasi yais'a iachisi oko ho lasi aʉt'ʉca a'o.