taseonasi no mivahi, mo 'aumeumeusu toʉsvʉsvʉtʉ 'o saisicoo, coolo, lema'cohio seiso, ho acʉcʉhʉ 'o ngikai, esvʉta 'o ihe ta'koeva. ihe seo'eisi 'o iesu, e'usna yaita'e, toveineni to pilato.
isicu ahoza po'pa'cohivi to iesu 'o tesi ho yainca: <'e oko cou te ahtuo'te esmi to man'i ci 'atutumzo, tehe hose'veni to coolo, saisicoo, ho ito lema'cohio seiso, noa opcoza. ataveisi no miteuhi tena smoevovei.>
yut'inga to iesu: <'ate asansano auyu cmʉ'ho 'o 'iliya ho tasucza 'e acʉcʉhʉ; at'inghi, mainci isi yainca to seiso te ahtuo'te tiou no 'atutumzo 'o okocou ho noa ciha?
isi ecnguha ho yainca: <'e oko cou te ahtuo'te esmi to man'i ci 'atutumzo, tehe hose'veni to coolo, saisicoo, ho ito lema'cohio seiso, noa opcoza, ataveisi no miteuhi tena smoevovei.>
ihe hafa i'mi to emoo to kaiyafa 'o iesu ho po'usna to sootokufu. ne mio micu moseo'ohngʉ. 'o matataicini to couyutaya o'amo yʉmeʉmʉ to sootokufu, maica te bucocofkoya homo seolʉa no memesi, te akoyu no bonʉ no eabobonʉ no meem'esa'o.
yainca to iesu: <'a isic'oeno faeni to hamo 'emo maica ci tonʉsu, ko'ko mikoeno yaa tonʉ ho yʉsvʉta a'o. ko'koeno, i'omo himhohioa ho tomakneni suu ci cou te asuhcu ecvʉhʉ na kuisisi.>
at'inghi, i'omo yone 'elusalemu ci cou ho i'o masoso'ehtihe o'a ihe cohivi ho zou leto'usnu ci nooe'oca, yaeza o'te ta'sansana 'o lahe engha homo 'ansokunici ci tposʉ to eyongensa. ihe topci to kuisi 'o iesu, ihe apuya miya 'o ohela eyoca to eyongensa ci e'e.
