ataveisi, tesi yainca to honte 'omo yonto vhonasi: <<'e isi fii no ʉm'ʉmnʉ to amo ci cou, temu uhtan'e! uhtan'e ho tiou ta ahoi ne ohon'a teyai 'e ceoa ho ayocneni muu ci hpʉhpʉngʉ.
temu aiti 'o 'avulahamu, 'isaku, yakovu, ho i'o mayoyongensa mo acʉhʉ yonto hpʉhpʉngʉ to hamo, na muu tena ih'una popeoyafa, tamucu mongsi ho sihsikiki!
mo cmʉ'ho a'o 'o piepiya to nooe'oca, maica ho isicu epeiya a'o, tesi poa mi'usnu tomo thi'cia ci cou ho psoecʉ'ha 'omo ʉmnʉ ci fihngau. isi popeoskuna a'o ho psoevaha: 'o ohola holeo. te poesih'a; 'omo bʉkngʉ. te teosansano; 'ola 'opohcingha. te elʉ no ziu;
imucu cohivi 'o mengumi to nooe'ocato ci iesu kilisto: mo anana'o atngaso, at'inghi mo nomio muu ho iachi thi'cia, na atuhcusi tesi ieni no thi'ciasi ho poa atngaso muu.
mimucu momaemaezo a'mi, maezo momaemaezo to nooe'oca; mimu e'vono elʉ to meoino no 'atutumzo, mimuc'on'a yono isi pafeni to seilei ci 'aveoveoyʉ ho tiou ta fukuin.
na eni aʉla humzi ho zou ahmʉskʉ ci yʉsvʉtʉ to hamo, soomei temu 'aseolʉ no tma'upu no ʉm'ʉmnʉ to hpʉhpʉngʉ to hamo. 'amimueno nomio ta hpʉhpʉngʉ tan'e ho a'cʉ'cʉnʉ buveici no 'atutumzo.
'ola elʉ to hʉsvʉta ho apaezumo buveici ci cou te ʉm'ʉmnʉ; maica ho micu yupaezumo no hʉsvʉta, tena tiou to isi ayocneni tomo himngonghi to hamo ci ohsi teomneni ci tafange no nsou.
songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.
os'o cohivi na 'atutumzo ho ina thi'ciasu; at'inghi na a'ʉmtʉsi ma miko atngaso! os'o cohivi ihe ekuzkuzoa tola mainca couyutaya; a'ʉmtʉsi o'as'a a'ʉmtʉ couyutaya. ma 'oahngʉ to satan!