at'inghi te'o tuocosi: ihenana a'ʉmta o'temocu tac'ʉhi na e'e? ci'a ohecueno talʉi. aʉlʉ mais'a 'o isi yainca to seiso: 'o fihngauhe micu psoengabo ta yatatiskova; 'o e'ehe micu psoecʉ'ho ta mauhpuhpusu.
ho itoeno cohivi te mainenu nate hia einu to nooe'oca, tec'u ieni tan'e ho poucufnu ta cou. isi a'sʉftona honga to hamo a'to; os'o tata'za hocimu i'mi no 'tohʉngʉ ho yaeza honga a'o.
ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.
temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.
i'mi tan'e, mimza mi'usnu ta afu'u cou ho psoyaska 'o kilisto, boemi ta mav'ov'o ci moutʉs'ʉ ho kokoica ho po'pa'cohivi muu, akoeva no 'ucia poa yʉepʉngi ci sinto 'emo macicihi, hafa uhto tuhcu to hamo.
la psoyaska 'e fukuin, 'upena hoci auseoseolʉ ho o'te auseoseolʉ na hie la asno'zona psoyaska, boemi no someoisa ci luaveica ho eucucufnu, kokoicʉ, poucufnu, mo'ma'cohio.
