looma 8:28 - buacou seiso no faeva esvʉtʉ

²⁸ ito cohivi, lasi poa yupa totoe'ocʉ to hamo 'emo mav'ov'o ci hi'hioa, poa elʉ no ʉmnʉsi 'emo himngonghi to hamo ci cou - 'ai'o isieno ieni to 'tohʉngʉsi ho eyoho'a ci cou.

looma 8:28 ပူးပေါင်းရင်းမြစ်များ

maluko 12:30

tekola acʉcʉha na 'tohʉngʉ, yu'ausna, koyu, tonʉ ho himngonghi to nooe'oca - to hamosu.>>

sitoo 13:48

ne ihe talʉi ta couyafana 'e e'e eni mo acʉhʉ na'no kaebʉ, tohmomoengʉ to e'e to nooe'oca; i'o micu noa epeiya to hamo ho tiou to 'auesiesi nsou ci cou. cu acʉhʉ sinto.

looma 11:29

maica. na epei ho ina mengumi to hamo o'amo ahtu aezuhu.

looma 8:30

'o isi ayoca epeiya to hamo ci cou, isi eyoho'a; 'o isi eoho'a ci cou, isi esvʉta ho poa coumoʉlʉlʉ; 'o isi esvʉta ho poa coumoʉlʉlʉ ci cou, isi poa tma'upu no psoevohngʉ.

looma 9:11

at'inghi, tesi epa'teni ho isi a'ʉmta ieni no 'tohʉngʉsi ho epeiya 'omo cihi to oko, mo mi'usnu to lipaicia 'o hamo ho yainca: <'omo mameoi to oko te fifiho tomo okohe.> ne isi engha 'e e'e eni, o'amocu moso yayo 'emo yoso, uk'a mocu ci peis'ʉ'ʉmnʉ ho peiskuzkuzo; peelʉi aiti 'o hamo homo epei mio i'mi no iachisi 'tohʉngʉ, o'amo yupa natʉ'ca no peipeis'ausnahe.

kolinto 1 1:2

tmopsʉ ta tengami ho faeni tomo yonta hosa ta kolinto ci sinto to kiokai to hamo. na muu ho i'o mo nopeaski ho eyoho'ʉ to ongko to nooe'oca kilisto iesu ci cou, totiski mo yonto 'ayumona to kilisto iesu ho noa eyoho'a ci sinto ho ma'hi'usnu to hamo. zou nooe'ocahe 'o kilisto, ci 'aeno maezo nooe'ocamia.

kolinto 1 1:24

at'inghi ho isi aiti ta isi epeiya to hamo ci cou, 'upena na couyutaya ho coungilisia, 'e e'e eni zou kilisto; zou meoino tonʉ to hamo, moutʉs'ʉ to hamo.

kolinto 1 1:9

zou mou'ʉmtʉ 'o hamo; isi eyoho'a muu, ho poa tmuteuyunu to okosi namuu - 'o nooe'oca ci iesu kilisto.

kolinto 1 2:9

aʉlʉ mais'a 'o isi engha to seiso: i'o isi ayocneni ta isi ngohia to hamo, o'amocu ohola aiti ta mcoo, o'a mocu ohola talʉi ta koyu, maezo o'a ohela ta'cʉ'ha ta cou!

kolinto 2 5:1

ito cohivi, hoci eon'ozi 'e ito yoni ci teova ta ceoa, tesi fii no emoo ne pepe to hamo, isi iachia p'eyac'a ho 'auesiesi yayo.

ngalatea 1:15

at'inghi, i'mi to mengumi to hamo, auyusi no o'amocu mo'u yayo, ohsicula epeiya a'o, eyoho'a a'o ho poa fifihoa.

ngalatea 1:6

mi'o na'no yamci, cimimu aac'o na'no m'ozu mongoi ta isi ieni to mengumi to kilisto ho itomo epei muu ci hamo, ho mee'ofeihni tomo h'unasi ci fukuin.

ngalatea 5:8

'emo maica ci maspepecvai o'ates'a ahtu i'mi tomo eyoho'ʉ muu ci hamo.

'epeso 3:11

hoisi yaica to hamo. isi i'tohungveni no 'auesiesi ci 'tohʉngʉsi; 'e 'tohʉngʉ eni micu i'mi to feango to nooe'ocato ci iesu kilisto ho peiseafi.

'epeso 4:1

ko'koeno, te'o poucufna muu - mi'o i'mi no fifiho to nooe'oca ho noa poekotva - na lamu peipeis'ausna ntemu acʉha poa toseolʉ to ohsi p'eyac'a to hamo ci huomza ho ohsila eoho'a muu.

pilipi 3:14

mi'o mi'usnu ta os'o mituhci ho pa'eusngʉcʉ, akoyu no mayo no hnoo; 'e hnoo eni 'aeno 'omo tma'usnu ne pepe ci faeva ci nsou, isi ieni to kilisto iesu to hamo ho eyoho'a a'o ho poa tiovneni.

tesalonike 1 5:9

o'aisi epeiya to hamo na a'to ho akoeva no patvovei, matesi ieni to nooe'ocato ci iesu kilisto ho to'usni a'to.

temote 2 1:9

isi to'usni to hamo a'to, eyoho'a a'to ho ta'okoa, o'amos'a i'mi no panos'a ʉmnʉ ci lato peipeis'ausna, mamo i'mi no 'tohʉngʉsi ho ino mengumisi. ohsicu la ahoza ne noana'o ho ieni to kilisto iesu ho faeni a'to 'e mengumi eni,

temote 2 2:19

at'inghi, i'o ohsi p'eyac'a to hamo ci mo mahtʉicʉ ci totnguca o'ate ahtu tmaot'ou; to bako ta totnguca tan'e panto isi tposi: . isi yaeza tposi:

hevulu 9:15

ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

yakovu 1:12

'ola elʉ to hʉsvʉta ho apaezumo buveici ci cou te ʉm'ʉmnʉ; maica ho micu yupaezumo no hʉsvʉta, tena tiou to isi ayocneni tomo himngonghi to hamo ci ohsi teomneni ci tafange no nsou.

yakovu 2:5

songohia ci maanat'ohaesa, temu tmalʉ: isi epeiya to hamo 'o thi'cia ta hpʉhpʉngʉ, poa yonto singkoo ho atngaso, yaeza poa ticngihi to ohsila teomneni tola himngonghi to hamo ci cou 'o faeva ci hpʉhpʉngʉ.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 1 3:9

'ote boemi no kuzo ho auski no kuzo, boemi no ekvo'ʉ ho euski ekvo'ʉ; apuyu, la boemi no tooyokeo ho evei, maica ina atuhcusi to hamo ho isi eyoho'a muu tesi akoeva no pafi no ʉm'ʉmnʉ.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

yohane 1 4:10

'aeno eni na himngonghi: o'as'a a'to namo himngonghi to hamo, ma i'o hamo 'omo himngonghi a'to, popeoskuna 'o okosi, nomzo a'to ho ciha 'o feangosi, i'mi to kuisi ho psuovei a'to.

yohane 1 4:19

ho mito himngonghi, maica ho isi auevahe ngohia to hamo a'to.

mokusi 3:19

mi'usnu ta os'o ngohia ci cou, la'u acʉha kokoica. ko'koeno, tekola ma'cucuveu, la ma'vovei.