looma 8:16 - buacou seiso no faeva esvʉtʉ

¹⁶ na piepiya to hamo ho ina piepiyato te iepoepohʉ soomei ho zou 'o'oko to hamo na a'to.

looma 8:16 ပူးပေါင်းရင်းမြစ်များ

matai 5:9

'ola cucufnu no moususemʉ ci cou a'ʉmtʉs'a ʉm'ʉmnʉ; tesi ta'okoa to hamo!

luka 20:36

te totiski to tensi o'ate mcoi. zou 'o'oko to hamo, maica mo i'mi no mcoi ho smoevovei.

yohane 1:12

at'inghi, namo afu'u tiou, 'ai'omoeno tmaa'uzo ci cou, isi afnasa fii no tonʉ ho teyai 'o'oko to hamo.

sitoo 5:32

'aeno a'mi 'ete 'akasi ta hioa tan'e; i'o isi faeni ci seilei tomo tmaa'uzo to hamo mo maezo i'upu a'mi ho 'akasi.>

looma 8:14

nala afu'u noa eahafa no piepiya to hamo ci cou zou acʉhʉ 'o'oko to hamo.

looma 8:19

acʉcʉhʉ 'e ohola teyai mo acʉhʉ tongsoyʉ no mingeou to psoevohngʉ to hamo hoci i'mi ta mao'o'okosi ho epa'teni.

looma 8:23

o'a anouc'o 'e ohola teyai namo maica, 'e mito elʉ tamo ahoi fafʉhʉ ci beahci, 'aeno 'emo elʉ no seilei ci cou, leac'o maezo e'ʉyʉ ho teoecengi 'e 'tohʉngʉ, mooteo hocisi tiova to hamo ho teyai 'o'oko a'to, poa ziu 'e aucunu ci a'o.

looma 8:26

totiski, 'e yoz'uto panto seilei cimo to'usnu. o'aohtola cohivi te mainenu nate hia 'inoli; at'inghi i'o seilei mo boemi to o'aisi peelʉi yomza no e'e ci e'ʉyʉ ho mi'usnu to hamo ho eoho'neni a'to.

looma 9:26

moso yonenu ho o'ula mi'usni ho yainca: o'a 'o'oko'u na muu; tena maezo yono ic'o ho noa yainca zou: 'o'oko no 'auesiesi yayo ci hamo!

looma 9:8

'aisieno yainca tan'e, 'emo i'mi ta feango ho yayo o'a te yainca zou 'o'oko to hamo, 'ai'omoc'o i'mi to ohsila teomneni to hamo ho yayo niante tamza no 'o'oko to hamo.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

kolinto 2 1:22

ta feangoto isi topci to to'hongasi, a'vinano pafi to seilei ho siya ta 'tohʉngʉto, teyaineni note iftongi no ohsi afu'a ayocneni a'to ci acʉcʉhʉ ci hosoo.

kolinto 2 5:5

'o hamo isi iachia ayoca ho poa suseolʉ tamo maica ci te aezuhu na a'to, isi pafeni 'o seilei ho titha hosoo a'to.

kolinto 2 6:18

temu ta'amo a'o; te'o 'o'oko na muu. 'e e'e eni zou e'e'u - soyaa tonʉa ci nooe'oca.

ngalatea 3:26

mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

ngalatea 4:6

mo'so maica na a'to zou 'o'okosi, isicu popeoskuna to hamo 'o piepiya to okosi ho yʉmeʉmʉ ta 'to'tohʉngʉto, eyoho'ʉ mainca:

'epeso 1:13

'amimueno maezo maica: ne ohmucu tac'ʉhi 'o e'e ta so'emio, 'aeno ne ohmucu tac'ʉhi 'ete to'usnu ci fukuin, mimucu tmaa'uzo to kilisto, i'o ohsila teomneni to hamo ci seilei isicu faeni muu, teyai huomza ho mimu tma'usnu to kilisto.

'epeso 4:30

teav'a poa nac'o na seilei to hamo; maica 'e seilei zou to'honga no tanua to hamo na muu. hosoo ho tena cmʉ'ho na hiesi no psoevoyunga to hamo.

yohane 1 3:1

temueno aiti, mo mainenu na lasi hia ngohia a'to to amopepe! ac'ʉha no yainca zou 'o'oko to hamo na a'to; a'ʉmtʉsi, 'aeno a'ʉmtʉ 'o'oko to hamo a'to. ho lahe ko'ko o'te honga ta yata hpʉhpʉngʉ a'to, mo maica ho o'a ihe honga 'o hamo.

yohane 1 3:10

na 'o'oko to hamo ho ina 'o'oko no 'akuma isi husansana 'o hia yupa h'unasi: i'ola o'te mee'ofeihni to moulʉlʉ, o'te ngohia 'o iachi maanat'ohaesa, o'a na 'o'oko to hamo.

yohane 1 3:2

ngohia ci maananghia, maitan'e zou 'o'oko to hamo na a'to, tenala mainenu ho noana'o, o'a mocu isi husansana. at'inghi, ito cohivi, ho tena aopa'to 'o kilisto, tato acʉhʉ mimamaezo, maica tato aiti na a'ʉmtʉsi mi'a'ausna.

yohane 1 4:13

isi pafeni a'to to hamo na piepiyasi, i'mi tan'e itocu cohivi, pano nsou to hamo ta 'ayumonato, i'o hamo mo no'ayumonʉ ta nsouto.

yohane 1 5:10

ko'koeno, siya namo tmaa'uzo to oko to hamo, 'aeno siya na micu yaa 'akasi ta 'tohʉngʉsi; siya namo o'te tmaa'uzo to hamo, 'aisieno toleleoknuyui 'o hamo, maica ho o'a isi taa'uzva 'o hamo ho ohsila 'akasineni 'e okosi.

mokusi 21:7

nate atpʉtʉ ci cou te meelʉ tiou tamo ma'maica, 'aeno: tesi hamo a'o; te'o oko na taini.