looma 8:11 - buacou seiso no faeva esvʉtʉ

¹¹ 'o piepiya to hamo isi poa i'mi to mcoi ho smoevovei 'o iesu; hoci no'ayumonʉ muu 'e piepiya eni, 'emoso i'mi to mcoi ho poa smoevovei 'o kilisto ci hamo, tesi yaeza ieni tomo no'ayumonʉ muu ci seilei, pafeni tate ahtuo'te kuzo ci feangomu 'e nsou.

looma 8:11 ပူးပေါင်းရင်းမြစ်များ

yohane 14:17

na ic'o 'aeno piepiya no so'emio. o'a ihe tiova ta yatatiskova; maica ho o'a ihe teolʉi, yaeza o'a ihe honga. at'inghi imu honga; maica homo yonta 'ayumona ta nsoumu, asngʉcva no'upi muu.

yohane 5:21

isi yainenu to amo ho poa smoevovei 'o micu mcoi ci cou, pafi no nsou 'e cou; totiski 'o oko te maino iachisi 'tohʉngʉ ho pafi no nsou 'e cou.

sitoo 2:24

at'inghi 'o hamo isi poa i'mi to mcoi ho smoevovei, isi aapayo'a 'o 'atutumzo no mcoi, maica 'o iesu o'atesi peelʉi aekotva no mcoi.

looma 16:10

tuayokeo to mosola sucaefi no hʉsvʉta ho apaezumo meot'ʉcʉ to kilisto ci 'apili; yaeza tuayokeoi 'o conoemoo to 'alitopu.

looma 16:3

tuayokeo to momza toehungu yaahioai ho fifiho to kilisto iesu ci paicila ho 'acila;

looma 16:7

tuayokeo to momzala noteuyunu to poo'usna ci 'oahngʉ'u ta yutayaci 'antoniku ho i'o yunia. ta 'ayumona ta sitoo mo afnaso yaa ongkoa, moso auyuhe a'o ho tma'usnu to kilisto.

looma 16:9

maezo tuayokeo to momza toehungu fifiho to kilisto ho yaahioai ci 'opanu ho i'o ngohia ci nanghia'u sutaku.

looma 6:12

ko'koeno, teav'ana i'vaha poa atʉkceni no kuisi 'ete anana'o kuzo ci feango, poa meo'uzo no ma'cac'ou ci yu'ausna.

looma 8:1

maitan'ecu, i'omo yaansou to 'ayumona to kilisto iesu ci cou o'ate topci no kuisi.

looma 8:12

i'mi tan'e, maanat'ohaesa, mito yaa yuevaha, at'inghi o'amito yuevaho ta yu'ausnato, hon'a eahafa ta yu'ausna.

looma 8:2

maica 'o p'ofiha to seilei, 'ai'omoeno poa i'upu to kilisto iesu ho toehungu mayo no nsou, isicu i'mi to p'ofiha to kuisi ho ito mcoi hocu psoevoyunga a'to.

looma 8:9

inacu muu, ho mioeno yonta 'ayumonamu 'o piepiya to hamo, na h'oyunsovamu o'ana tesi eahahafa ta feango, lac'o tiou no atʉkca to seilei. namo uk'a piepiya to kilisto ci cou o'ate tma'usnu to kilisto.

kolinto 1 15:16

hoci o'te smoevovei namo mcoi, tec'u peelʉi yainca o'amo smoevovei 'o kilisto.

kolinto 1 6:14

isi poa i'mi to mcoi ho poa smoevovei to hamo 'o nooe'oca, totiski tesi yaeza ieni no meoinosi tonʉ ho poa smoevovei a'to.

kolinto 2 4:11

'e conomza yunsou, asngʉcʉ nomio to iesu ho mita isi sokoeva no mcoi, akoeva no poa hupopayoneni tate kuzo ci feangomia na nsousi.

kolinto 2 4:14

imza cohivi, i'o moso poa smoevovei to nooe'oca iesu ci hamo 'atasi ahtao'te yaeza poa i'upu to iesu ho poa smoevovei a'mi, a'vinano hafa a'mi ho ina muu ho toehungu uhto tuhcu to hamo.

kolinto 2 5:4

mito yonta teova ta ceoa, mais'a mo smovei nomo ecvʉhʉ ho e'ʉyʉ; na eni o'aisis'a yainca te yungvo'a 'e feango ta ceoa, mate paceofa na mo tma'usnu ne pepe ci feango, ko'ko poa peʉezeni no nsou 'ete anana'o kuzo.

ngalatea 6:8

hoci nomio no ma'mamsoc'o 'e iachi ho miyapo no poc'ou, tena i'mi no poc'ou ho tov'ohʉ no mcoi; hoci nomio no mici mayo no 'aveoveoneni to seilei ho miyapo, tena i'mi to seilei ho tov'ohʉ no 'auesiesi nsou.

'epeso 2:5

'e piepiyato ne mosola nomio no yutasufku ho mcoi to kuisi, isi poa i'upu to kilisto ho smoevovei a'to; zou mengumisi 'omo to'usnu muu.

pilipi 3:21

te boemi to tonʉ nosi poa meo'uzo 'e acʉcʉhʉ, ho poa aezuhu 'emo yoz'u ho ahtuo'te mcoi ci feangoto, poa totiski to kilisto na a'to, yaa psoevohngʉ ci feango.

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

petelo 1 1:21

ieni to kilisto, imu taa'uzva 'omo poa i'mi no mcoi ho smoevovei, a'vinano mofi no psoevohngʉ ci hamo; i'mi tan'e, na singkoo ho ina lamu ta'usni la miteuyunu to hamo.

petelo 1 3:18

maica 'o kilisto mosola maezo peisnʉskʉ aepʉnga ho mcoineni na kuisi. isi peʉezi to moulʉlʉ 'o 'oha moulʉlʉ, akoeva no hafa muu ho uhto tuhcu to hamo. noa opcoza 'o feangosi, at'inghi isi pa'eunsova 'o piepiyasi.

mokusi 1:18

zou 'auesiesi yayo a'o! mo'ula mcoi, yaansou maitan'e, a'vinano te 'auesiesi yaansoua. os'o tʉʉt'ʉca 'e 'oyomiana maavo to mcoi ho vooecʉvcana.

mokusi 11:11

sucaefi 'e miteuhi ang'osʉ, panto peucu no nsou cimo i'mi to hamo, yʉmeʉmʉ ta 'ayumonahe, micu yac'ʉ; i'omo baito ci cou mo a'ʉmtʉ meoino yamci.