looma 14:22 - buacou seiso no faeva esvʉtʉ

²² mio mainenu na hu'a'ausnasu tan'e, zou iachisu natʉ'ca to hamo. 'emo cihi ci cou hoci meelʉ yono isi ta'unano mo emio ci hi'hioa ho o'te ma'kokoe'i. te mainenu na hia ʉm'ʉmnʉ!

looma 14:22 ပူးပေါင်းရင်းမြစ်များ

sitoo 24:16

ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

looma 14:14

os'o ieni to hiamza yupa tmʉyʉcʉ ci natʉ'ca 'o nooe'oca iesu ho a'ʉmta cohivi, 'e 'oanʉ mo acʉhʉ cofkoya; hoci pano cou mo ma'unano o'amo cofkoya, hote ieni ta cou tan'e, 'anate cofkoya.

looma 14:2

'ola yaa singkoo ci cou la meelʉ bonʉ tomo mav'ov'o ci macucuma; i'omo yoz'u 'o singkoo lac'o bonʉ to machachae.

looma 14:23

at'inghi hocisi ta'kuv'a na isi ana ci 'oanʉ, hocisi ana, tesi topci no kuisi to hamo, maica ho o'aisi ieni no singkoo ho ana. acʉcʉhʉ na o'a isi ieni no singkoo ho hioa zou ci hi'hioa zou acʉhʉ kuisi.

looma 14:5

pantola mainca 'o koyuhe 'e hie eni mo tosa'ohe tomo h'unasi ci hie; panola mainca 'e afu'u hie moc'o acʉhʉ totiski. 'emo macicihi nte acʉhʉ yaa iachi hu'a'ausna.

looma 2:1

nanghia, ho lako eayaezoyʉ no mocmo, 'upena hoci siya suu, o'ate ahta peelʉi peu'uzva. ho ciko eayaezoyʉ no mocmo, ho totiski no mocmo na lako hioa, 'amicueno invonvo topco no kuisi.

looma 7:15

o'a os'o maka cohivi na os'o hioa; maica i'ola'u 'ucia hioa, nama la'u o'te hioa; i'o la'u ta'sʉsʉ'nova, nama la'u apuya hioa.

looma 7:24

la'u a'ʉmtʉ 'atutumzo! siya nate meelʉ to'usnu a'o ho poa momempuesu tate koa mcoi ta feango'u?

kolinto 1 8:7

at'inghi'so, ma'i moc'oso acʉhʉ yaa maica ci mau'to'tohʉngʉ. pantola asonghoi at'ocʉ m'ohkuyu to uacoua, ko'koeno ac'ʉhʉ maitan'e, cono hola bonʉ tamo maica ci 'oanʉ, la conino ma'unano mo bonʉ no 'oanʉ no uacoua. 'o 'tohʉngʉhe la anana'o yoz'u, la h'unano ma'unano mo ma'caca'i homo bonʉ tamo maicaci 'oanʉ.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

ngalatea 6:1

maanat'ohaesa, hoci panola 'oc'ocic'o peis'epo, i'e mimucu tma'usnu no piepiya ci cou la boemi no bumama'cocacni ho eoveiya. temula maezo iachi bumemealʉ, ci tes'a maezo noa eepecvazi.

yakovu 3:13

ta taicomu panomo yaa mau'to'tohʉngʉ ho moutʉs'ʉ ci cou? hoci pano, nte ieni no a'sʉftonʉ ci ma'einu ho toutʉs'ʉ ci peipeis'ausna, ho peispa'teni na mo yonghu ci h'oyunsovasi.

yohane 1 3:21

ko'koeno, ngohia ci maananghia, hocisi o'te koica no ʉmnʉ ci 'tohʉngʉto, tec'u meelʉ o'te ma'sasmoyo hoteto yonto tuhcu to hamo.