looma 14:19 - buacou seiso no faeva esvʉtʉ

¹⁹ ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

looma 14:19 ပူးပေါင်းရင်းမြစ်များ

matai 5:9

'ola cucufnu no moususemʉ ci cou a'ʉmtʉs'a ʉm'ʉmnʉ; tesi ta'okoa to hamo!

maluko 9:50

mo ʉmnʉ ci macucuma 'e sieu, at'inghi hoci payo'a na maskisi, ten'a ti'vona niante i'vaho maski? temula mais'a a'a'ausna to sieu, yupa nananghinghia ho noteuyunu.>

looma 12:18

la pnanfi na tonʉsu ho bunananghiya to botngonʉ.

looma 15:2

'e mito macicihi la conino ta'to'tohʉngveni nate koa ʉmnʉ to mocmo ci sinto, ho m'eac'ʉ note toehunga fihi ci h'oyunsova no singkoo.

kolinto 1 10:23

pantola mainca: mioeno o'te emzo 'e e'e eni. at'inghi, 'emo macoconi ci hi'hioa o'a mo acʉhʉ koa ʉmnʉ. at'inghi, 'emo macoconi ci hi'hioa o'ate acʉhʉ meelʉ to'usnu no cou.

kolinto 1 10:33

temula maito la'u hioa ho hioa; ma os'o acʉha 'ucia poa kokaekaebʉ, o'aos'o ahta ta'to'tohʉngva nate koa ʉmnʉ a'o, la ta'to'tohʉngva nate koa ʉmnʉ tamo botngonʉ, akoeva no poa elʉ no to'usnu.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolinto 1 14:3

at'inghi, i'ola epeaski to e'e to hamo la mi'usnu ta cou ho engha, la m'eac'ʉ, poucufna, ho ao'pou ta cou.

kolinto 1 14:4

i'ola epiepiya ci cou lac'o p'eyac'a 'e iachi, i'ola epeaski to e'e to hamo la p'eyac'a 'e kiokai.

kolinto 1 14:5

os'o tata'ia hocimu acʉhʉ meelʉ epiepiya, at'inghi os'o asuhca tata'ia hocimu yaa mengumi no epeaski ta e'e to hamo. maica, mac'oci yaa atfʉngʉ mahcinghi to epiepiya, ho peelʉi p'eyac'a 'e kiokai, hoci o'te maica, 'emo epeaski ta e'e to hamo te na'nohe huecvʉhʉa tamo epiepiya.

kolinto 1 7:15

at'inghi, hoci no'usnu no o'amo tmaa'uzo to nooe'oca namo mici mongoi, ci 'ateeno poa maino 'tohʉngʉsi, yontamo maica ci a'a'ausna, i'omo tmaa'uzo to nooe'oca, 'upena na hahocngʉ hocieno mamespingi, tec'u meelʉ ziu. hoisi eyoho'a to hamo na muu, tesi poa nananghinghia noteuyunu.

kolinto 1 8:1

e'usnu to ohcu titha sʉ'tʉ to uacoua ci 'oanʉ, imza ta'unano . a'ʉmtʉsi, 'emo maica ci mau'to'tohʉngʉ lac'o i'hozi no iachi biepe bobitano 'e cou, inac'o himngonghi nate meelʉ koa ohsuhcu ta cou.

kolinto 2 12:19

hocieno, lamu ta'unano lamza conino ehcʉvheni 'e iachi, a'ʉmtʉsi o'amos'a maica; yono tuhcu to hamo leamzac'o e'e 'o isi poa e'eneni to kilisto. ngohia ci maananghia, i'e imza afu'a hioa uk'a ci isi o'te 'ucia p'eʉlʉlʉa muu.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

'epeso 4:12

na atuhcusi te ae'ayocʉ no yaahioa no lasi hioa to hamo 'e 'o'okosi, p'eyac'a 'e kiokai - 'ai'e eno feango to kilisto.

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

temote 1 1:4

teko poa teongasneni 'emo maica e'ankʉ ci ehohamva ho i'ola etacvoh'i ci tposno suezopʉ; maica 'e macucuma eni lac'o ec'ʉ no koa eehcʉvho, o'amo ake'i to'usnu bochio no isi ta'koeva to hamo, 'e isi ta'kokoeva tan'e la ieni to singkoo niante peelʉi cohivi.

temote 2 2:22

'ote mais'a 'o yu'fafoinana ho maemayahe ci koyu; la fihohe tola cofkoya ci 'tohʉngʉ, conino noa to'usnu to nooe'oca ho toehungu biebimi no moulʉlʉ, singkoo, himngonghi, ho moususeomʉ.

hevulu 12:14

la asno'zonʉ nananghinghia to cou, mino mo socofkoya ci h'oyunsova; hoci uk'a socofkoya ci h'oyunsova uk'ana ci cou cite teolʉ to nooe'oca.

petelo 1 3:11

nte totoefʉngʉ no kuzo ho peis'ʉ'ʉmnʉ, conci 'tohʉngʉ ho biebimi no moususeomʉ.