looma 14:18 - buacou seiso no faeva esvʉtʉ

¹⁸ 'emo maica ci hia fifiho to kilisto ci cou 'ate ahtuo'te noa ʉm'ʉmnʉa to hamo. ho emomoengʉa ta cou.

looma 14:18 ပူးပေါင်းရင်းမြစ်များ

maluko 13:34

mais'a 'emo cihi ci cou mo yuyafo ho covnʉ, toveineni ta soskuskunusi ho aʉt'ʉca 'e emoo, aangaeza ta macicihi nate hi'hioa, eutotaveiya 'o le'aʉt'ʉcʉ emoo ho apopocenga 'o maphiphingi.

yohane 12:26

siya nate fifiho a'o, te to'ofeihni a'o; hoci'u yonenu, te maezo yonenu na soskuskunu'u. namo fifiho a'o ci cou, 'atasi ahtao'te angongohi to amo'u.>

sitoo 10:35

inamo afu'u m'ohkuyu, popeislʉlʉ ci cou, 'upena na suezopʉ no nenu, lasi acʉha ʉmnʉa.

looma 12:11

'otela lue'amamza, la asno'zonʉ yaahioa, boemi no cuveu ci 'tohʉngʉ ho fifiho to nooe'oca.

looma 14:4

zou siya suu, ci smeecʉ'ho eayaezoyʉ no soskuskunu no mocmo? o'atesieno peelʉi hʉsvʉta no taukesi namo kuzo ho ʉmnʉ? namaeno, 'o nooe'oca tesi to'usni ho poa meelʉ yaa a'a'ausna.

looma 16:18

maica 'emo maicac'o ci cou o'ala fifiho to nooe'oca kilisto, lac'o ma'mamso to iachihe cfu'o. lac'o boemi to ecocohʉmʉ ci e'e ho paspepecvazi 'o 'tohʉngʉ to mo ma'cocacni ci cou.

looma 6:22

maitan'e, isicu i'mi no kuisi ho poesih'a muu, noa soskuskunu to hamo; imucu a'sʉftona sʉ'teni to hamo isi nsoumu, na temu tov'oha 'aeno 'auesiesi ci nsou.

kolinto 1 7:22

'emo cihi ci tolei hocisi eyoho'a to nooe'oca 'aisicueno poesih'a to nooe'oca ci cou; 'emo cihi ci ziu ci cou ho isi eyoho'a tec'u tolei to kilisto.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

kolinto 2 5:11

ho itoeno cohivi te mainenu nate hia einu to nooe'oca, tec'u ieni tan'e ho poucufnu ta cou. isi a'sʉftona honga to hamo a'to; os'o tata'za hocimu i'mi no 'tohʉngʉ ho yaeza honga a'o.

kolinto 2 5:9

na atva'esisi, zou. 'upena hoci yonta feango ta ceoa, hocieno paceofa namo tma'usnu ne pepe ci feango, temza ma'koyu no noa ʉm'ʉmnʉa to nooe'oca.

kolinto 2 6:4

nomio no yonta acʉcʉhʉ ci hi'hioa ho epa'teni ho zou soskuskunu to hamo a'mi, lamza buveici tamo mav'ov'o ci 'atutumio, thi'cia, ngoseo.

kolinto 2 8:21

maica ho mimza bikoyu no hioa 'emo maica ci ʉmnʉ ci hi'hioa, 'upena hoci yono tuhcu to nooe'oca, hocieno yonta tuhcu ta cou tec'o acʉhʉ totiski.

pilipi 4:18

'aeno eni 'ete huomza ta imu faeni a'o; i'e imu taha'veni a'o mo asa'ohe to la'u tititha. 'o 'ipafoti isi pahcʉ'ha 'e imu faeni a'o cimo atngaso ci teonghia, aʉlʉ mais'a meaemo'ʉ ci namusngau, isi ʉm'ʉmnʉa to hamo ci sʉ'ta.

pilipi 4:8

ataveisi, maanat'ohaesa, temula conino buyuyue'iya i'ola ʉmnʉ ho peelʉi tohmoengʉi ci hi'hioa. acʉcʉhʉ 'ola mou'ʉmtʉ, mitohʉngʉ, ahmʉskʉ, cofkoya, ʉm'ʉmnʉa, ho i'ola taotofsi'i ci hi'hioa ntemu la acʉha huecvʉhʉa.

kolosai 3:24

la cohivi na ohsi songacveni no iachisi 'o'oko to hamo ci hnoo. 'atasi ahtao'te faeni suu. na imu fifihi zou 'o nooe'oca kilisto.

temote 1 2:3

mo ʉmnʉ 'emo maica, lasi ʉm'ʉmnʉa to leto'usnu ci hamoto.

temote 1 5:4

hoci pano 'o'oko hocieno mʉntʉ'casi, 'emo maica cimo yutotavei te yonta emoo ho auyun'a momaemaezo no tela hia meot'ʉt'ʉcʉ, poa evei no amo ino ho ito ak'i ho ba'i, maica na eni lasi ʉm'ʉmnʉa to hamo.

petelo 1 2:12

ho lamu no'ayumonʉ ta couyafana, ntemula yaa peislʉlʉ ci peipeis'ausna, i'ola ekuzkuzo, ho maus'os'osʉ muu ci cou, i'mi ho lahe aiti na lamu hia popeislʉlʉ, yono hiesi no ivaho cmʉ'ho 'o nooe'oca, tehe ta'usna to hamo na psoevohngʉ.

petelo 1 2:20

hocimu nomio no peis'epo ho noa ti'usna, cuma nate koa emomoengʉa? 'ai'olac'o i'mi no peis'ʉ'ʉmnʉ ho buveici no 'atutumio ci cou na tesi pafi no ʉm'ʉmnʉ to hamo.

petelo 1 2:5

temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.

petelo 1 3:16

at'inghi tela boemi no ma'cocacni ho ma'eaceaco ci koyu ho yut'ingi. la yaa cofkoya ho ʉmnʉ ci 'tohʉngʉ, poa iachi ma'kokoe'i 'ola aokoe'i muu, ho lamu tmaa'uzo to kilisto ho popeis'ʉ'ʉmnʉ.