kolosai 4:8 - buacou seiso no faeva esvʉtʉ

⁸ os'o afnasa skuna ho popeo'usna ta lamu yoni, eʉsvʉsvʉta na a'a'ausnamia tan'e, te poa elʉ no poucufnu na muu.

kolosai 4:8 ပူးပေါင်းရင်းမြစ်များ

kolinto 1 4:17

nomio tan'e, os'o popeoskuna 'o temote ho poa uso muu; to 'ayumona to nooe'oca zou ngohia ho meot'ʉt'ʉcʉ ci oko'u. tesi poutʉs'ʉa muu, na faeva ci h'oyunsova'u ho la'u no'ayumonʉ to kilisto iesu, 'ai'o la'u eno po'pa'cohivneni ho la'u yonto makikiokai.

kolinto 2 1:4

ta ito esmiza ci mav'ov'o ci 'atutumzo, isi ao'pova a'to, poa meelʉ boemi no isi titha ao'pou a'to ho ao'pova 'omo maezo elʉ to mav'ov'o ci 'atutumio ci cou.

kolinto 2 12:18

os'o popeocucufna 'o tito ho poa baito muu, yaeza popeoskuna 'o mon'a cihi ci nat'ohaesa ho poa fihoa. mosolaeno ahtu yu'siseiti muu 'o tito? i'o isi hioa ho i'o os'o hioa o'a mos'aeno i'mi no totiski ci koyu? o'a mos'aeno tohmʉskʉ na paepo'ausnamia?

kolinto 2 2:7

ma ntemucu coveoza ho au'po'pova, cites'a angu ma'eungzu na 'tohʉngʉ ho ma'papayo'ʉ.

'epeso 6:22

na atuhcusi ho os'o popeoskuna ho poa uhta lamu yoni. te'o akoeva no poa cohivneni muu na a'a'ausnamza tan'e, poa mayo no poucufnu muu.

pilipi 2:28

ko'koeno, os'o h'unasa aupcieva 'ucia popeovoveiya, temu meelʉ kokaekaebʉ ho noteuyuneni; na eni 'ateeno yaeza peelʉi aapayo'a na nac'o'u.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

tesalonike 1 2:11

imu cohivi, ho lamza mi'usnu ta mimu macicihi, la totiski no amo hola mi'usnu no iachi 'o'oko.

tesalonike 1 3:2

temza popeoskuna 'o ohaesa ci temote ho poa uhta lamu yoni; 'e temote lamza toehungu nomio to hamo ho psoyaski to fukuin to kilisto. na atuhcusi ho imza popeoskuna tesi amamahtʉica ho to'usni na singkoomu.

tesalonike 1 3:5

i'mi tan'e, ko'kocu popeoskuna 'o temote; 'anate'o 'aoko mooteo. ho os'o popeoskuna, akoeva no cohivi mionana atuhcu mainenu na singkoomu. o'a os'o taa'uzva hocisicu paspepecvazi no 'akuma na muu, ho poa 'afeungu na niala hioamza!

tesalonike 1 4:18

ko'koeno, temula boemi ta e'e tan'e ho yupa ao'pou.

tesalonike 1 5:11

i'mi tan'e, temula yupa poucufnu, yupa to'usnu, mais'a 'e imu hioa maitan'e.

tesalonike 1 5:14

maanat'ohaesa, temia eucufna muu, la engahva 'ola lue'amamza ci cou, poucufna 'ola ma'sasmʉzʉ ci cou, e'oca 'ola yoheoz'u ci cou, uveica 'emo macicihi ci cou.

tesalonike 2 2:17

poucufna muu, poa yaa ma'ʉ'ʉteʉ ci 'tohʉngʉ. psoyaska ho peiseafi 'e acʉcʉhʉ cimo yonghu ci hi'hioa.