kolosai 3:8 - buacou seiso no faeva esvʉtʉ

⁸ at'inghi, temu asansana antʉha 'emo maica ci hi'hioa: 'otena i'vaho yaa ma'sʉsʉ'no, pak'i, ho mihango; 'ote mo'engho nola ekuzkuzo ho ca'i ci e'e.

kolosai 3:8 ပူးပေါင်းရင်းမြစ်များ

matai 5:22

at'inghi te'o eʉsvʉta muu, nala mi'usnu no nat'ohaesa ho ma'sʉsʉ'no, nte maezo tiou no yʉsvʉta; nala ekvo'ʉ no nat'ohaesa ho yainca <>, te uhne hooin; ekvo'ʉ no nat'ohaesa ho yainca <>, o'ate tomempuesu no puzu ne vooecʉvcana.

maluko 7:22

smoc'ou, ma'konvosʉ, kokuzo, moezʉezʉhʉ, 'aʉnpʉnpʉ, smo'eubut'u, 'o'ekuzkuzo, bobitano, 'o'esvocʉ ci kuisi.

looma 13:13

na teto peipeis'ausna la poa peismomolʉ, totiski tola notaico to tiskova ho yaansou ci cou. 'otela 'aʉnpʉnpʉ ho momoyomo, 'otela peis'usnu no mseezo ho smoc'ou, 'otela aubut'u ho youbobai.

kolinto 1 3:3

maica mimuc'on'a asngʉcʉ fiho no svʉta ta cou ho yunsou. ta taicomu lean'a yaa smo'eubot'u, yaa youbobai; o'ates'aeno peelʉi soomei tan'e ho mimun'a tma'usnu ta hpʉhpʉngʉ, fiho ta svʉta ta cou ho yunsou?

kolinto 2 12:20

os'o sokoeva ho ta'u uso muu, aiti hocimu o'te toseolʉ no o'ula 'ucia totea, ho tamu aiti a'o maezo o'amo toseolʉ no ohmula totea, os'o yaeza smoyoa ho ci'u baito no youbobai, smo'eubut'u, ma'sʉsʉ'no, ma'konvosʉ, eayaezoyʉ, buusumsu, bobitano, ho 'afeo'fu'u.

ngalatea 5:15

temula bumemealʉ, hocimu mais'a yuansou ho yupa boecʉ yupa bonʉ, 'atemu ahtuo'te yu'tupapayo'ʉ.

ngalatea 5:20

m'ohkuyu to uacoua, buoyoifo, mihango, youbobai, yʉchʉmʉ, ma'bubut'u, mayʉhcʉvho, boepaevai, bivahvoh'unu,

ngalatea 5:26

o'ateto bobitano, 'ote yupa asʉsʉ'no, yupa smo'eubut'u.

'epeso 4:22

temula yungvo'a 'ola conino koa yunsou tote meaapayo'ʉ ci ; i'o noana'o ci a'o isi ieni to eepecvai to ma'konvosʉ hocu toapayo'ʉ.

'epeso 4:25

ko'koeno, 'atemu i'vaho meknuyu! 'e macicihi tela mi'usnu to nanat'ot'ohaesa ho mo'engho no eʉlʉ ci e'e, maica 'e mito macicihi zou acʉhʉ maesoesou to feango to kilisto.

'epeso 4:26

hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no,

'epeso 4:29

teav'a poa alolongʉ no mocmo na lamu pateafa ci e'e, lac'o mo'engho tote koa to'usnu, koa yusuhci to cou ci e'e, poa mayo no ʉmnʉsi namo tmalʉ ci cou.

'epeso 5:4

maezo o'atemula mo'engho nomo epak'i, eloʉngʉ, hocieno ca'i ci e'e; la conino mo'engho no 'aveoveoyʉ to hamo ci e'e.

kolosai 3:5

ko'koeno, temu asansana timcoza namo 'afeo'fu'u ta feangomu cimo tma'usnu ta hpʉhpʉngʉ ci ma'konvosʉ, mais'a 'oeno smoc'ou, ma'caca'i, ma'cac'ou, kokuzo, ho i'o makonvosʉ ('e makonvosʉ zou 'oahngʉ to m'ohkuyu no uacoua).

kolosai 3:9

'otela yupa memeknuyu, maica imucu yunga na noana'o ci a'o ho noana'o ci h'oyunsova.

temote 1 1:13

o'ula e'vono ekuzkuzoa, akuzkuzoa ho aokoe'iya. at'inghi isi coveoza to hamo a'o; maica ne mio o'amocu o'u taa'uzva. o'a os'o cohivi cuma na nia hioa'u.

temote 1 1:20

ta 'ayumona tan'e panto suminai ho i'o 'alisanta; os'ocu faeni to emucu to satan, poa meelʉ o'tena ekuzkuzo to hamo.

hevulu 12:1

ho mitoeno yaa maica botngonʉ cimo 'akasi ci cou, mais'a 'o cmʉcmʉ ho nokuyungu a'to, mantetocu yupsʉpsa 'emo afu'u tmamʉtʉ ho koa paepop'ʉcʉ a'to ci kuisi, tomamahtʉicʉ ho smai'usnu ta ito mi'usni ci ceonʉ.

yakovu 2:7

i'ola ekuzkuzo to lamu tiova ho einva ci ongko, 'aeno maezo 'emo maica ci cou.

petelo 1 2:1

ko'koeno, temula yuse'va na afu'u kuzo ci hi'hioa, 'ote i'vaho meknuyu, me'ʉ'ʉmnʉ, smo'eubot'u, hocieno eayaezoyʉ no cou ci e'e;

petelo 2 2:18

la mo'engho tomo bitano ho eloʉngʉ ci e'e, la boemi to boevovoyo ci koyu ho topani 'o lan'a aʉlʉ momeesih'i to kokuzo ci h'oyunsova ci cou.

petelo 2 2:7

ohsi to'usni 'o ʉmnʉ ci cou looto; 'e looto lasi nomzi 'ola peis'usnu no smoc'ou ci kuici cou ho meoino ma'nanac'o.

yuta 1:13

i'ola h'oinveni ci lahe peipeis'ausna la mais'a 'o feosʉ to taso ci smahu ne etʉpʉ. la mais'a 'omo mongoi to ceonʉsi ci congeoha ho su'to isi ayocneni to hamo cimo mʉ'eona ho 'auesiesi voecʉvcʉ.

yuta 1:8

'emo maica o'te einu ci cou teec'o totiski. na ma'cac'ou ci 'tohʉngʉhe lasi popeo'usna no peiskuisi. acaca'ia 'o iachi feango; lahe hupopotfʉnga na tonʉ to hamo, aokoe'iya 'omo yone pepe ci so'einva.

mokusi 16:9

'o isi poa hoteʉteʉsʉa ci cou, cu boevovoyo tomo tʉʉt'ʉcʉ ta meakvo'ʉ ci hamo. mioc'o a'cʉ'cʉnʉ o'te ma'vovei, o'te mimho tohmomoengʉ to taunona'vʉ to hamo.