kolosai 3:5 - buacou seiso no faeva esvʉtʉ

⁵ ko'koeno, temu asansana timcoza namo 'afeo'fu'u ta feangomu cimo tma'usnu ta hpʉhpʉngʉ ci ma'konvosʉ, mais'a 'oeno smoc'ou, ma'caca'i, ma'cac'ou, kokuzo, ho i'o makonvosʉ ('e makonvosʉ zou 'oahngʉ to m'ohkuyu no uacoua).

kolosai 3:5 ပူးပေါင်းရင်းမြစ်များ

matai 15:19

maica 'omo i'mi to 'to'tohʉngʉ ta cou ho yuyafo la yaa mav'ov'o ci kuici koyu; 'emo maica ci kuici koyu lasi poa peis'usnu no opcoi, smoc'ou, yup'ouso, meo'eoi, meknuyu, eayaezoyʉ ci kuisi.

looma 1:26

i'mi homo maicac'o, 'o hamo lasi mooeza poa fiho no 'aʉnpʉnpʉ ci ma'cac'ouhe; 'o maamespingi la peispuyu to ʉmnʉ ci yu'ausna no yup'ouso ho peʉezi to 'aʉnpʉnpʉ ci yup'ouso.

looma 1:29

isi nongcʉngci to mav'ov'o ci 'oha moulʉlʉ, kokuzo, ma'konvosʉ, peismamahiz'o; yaeza nongcʉngci to smo'eubut'u, opcoi, youbobai, moezʉezʉhʉ, ho ito kuici koyu. la mooyai e'e,

looma 6:13

yaeza teav'a poa peteozu no kuisi si feangomu, noa 'otitha no kokuzo. apuyu. temula sʉ'teni to hamo si iachimu, mais'a cihi cimo i'mi no mcoi ho esvoveiya poa yunsou ci cou, ho aucunva sʉ'teni to hamo 'e iachi, noa 'otitha no moulʉlʉ.

looma 6:6

ito cohivi, ina noana'o ci a'to micu fiho to kilisto ho spica to zuuzika, tesi akoevano aapayo'a namo yaa kuisi ci yu'ausnato, poa o'tena tolei no kuisi na a'to.

looma 7:23

at'inghi 'e feango'u lasi popeoskuna tomo h'unasi ci p'ofiha - 'e p'ofiha eni la ehtothomʉ 'o os'o ʉmnʉa ci p'ofiha, poa o'te meelʉ momeesih'i tomo maip'ʉcʉ a'o ci p'ofiha no kuisi; 'e p'ofiha eni la yonta feango'u ho 'afeo'fu'u.

looma 7:5

ne mohton'a maito yu'ausna ta cou ho yaansoua, 'o hoolicu to moose isi poot'ova na ma'cac'ou ci kuisito, smoevaho ta 'ayumona ta feangoto, na ataveisi 'aeno mcoi.

looma 8:13

hocimu meo'uzo ta yu'ausna, 'ate ahtuo'te mcoi; hocimu noe'ocʉ to seilei ho aapayo'a na peiskuisi, 'ate ahtuo'te yaansoua.

kolinto 1 5:1

os'o asansana tac'ʉhi mo yaa smoc'ou ci hi'hioa ta 'ayumonamu; 'emo maica ci smoc'ou o'a lahe h'unasa uveica to o'ala tmaa'uzo ta kiokai ci cou. os'o tac'ʉhi pano la noepohʉ na pop'einoasi!

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

kolinto 1 6:13

panote mainca ci cou <'e 'oanʉ mo nomio ta cfu'o, 'e cfu'o te nomio ta 'oanʉ.> mioeno o'te emzo. at'inghi tasila aapayo'a to hamo 'emo yuso. 'e feangoto o'amo nomio no smoc'ou ho yayo, mamo nomio to nooe'oca ho yayo, 'o nooe'oca tesi fii note tititha ta feangoto.

kolinto 1 6:18

ko'koeno, temula totoefʉngʉ no smoc'ou. 'e cou 'upena hoci peismi nomo mainenu ci kuisi o'ate koakuzo ta iachi feango, i'elac'o peismi no smoc'ou ci cou la akuzkuzoa 'e iachi feango,

kolinto 2 12:21

os'o yaeza smoyoa ho tena'u vohvaho, 'o hamo'u tasi poa yonta tuhcumu a'o ho koe'i, ta'ueno ahtuo'te nomzo tamo botngonʉ ci mosola peiskuisi, smoc'ou, 'aʉnpʉnpʉ ci cou, ac'ʉhʉ maitan'e ho o'te mimho ma'vovei ci cou ho ma'nanac'o.

ngalatea 5:24

ina mo tma'usnu to kilisto iesu ci cou. ohecu acʉha spica to zuuzika na afu'u ma'konvosʉ ci yu'ausna.

'epeso 4:19

ihe acʉha payo'a na ma'kokoe'i ci 'tohʉngʉ, 'aʉnpʉnpʉ, uk'a yumzi ho hioa 'omo mav'ov'o ci kuzo ho 'oha einu ci hi'hioa.

kolosai 2:11

mimucu yono nsou to kilisto ho noa s'e'honga; 'e s'e'honga eni o'a isi hioa ta cou, ma isi hioa to kilisto ho poa mongoi no yu'ausna no kuisi ta feangoto ci s'e'honga.

tesalonike 1 4:3

'o 'tohʉngʉ to hamo tesi 'ucia poa socofkoya muu, asansano o'ate yaa smoc'ou ci hi'hioa.

tesalonike 1 4:5

o'a mos'a i'mi no ma'cac'ou, mais'a 'ola o'te bohngʉ to hamo ci couyafana.

temote 1 6:10

zou 'oi'miza no mav'ov'o ci kuzo 'e konvosʉ no yupasʉ. pantola nomio no konvosʉ to yupasʉ ho pef'uhu to singkoo, nongcʉngci to ma'tutumzo ho poa auz'oz'o 'o piepiya.

hevulu 12:16

la bumemealʉ, tees'a yaa smoc'ou ci cou, hocieno mais'a 'o 'isau ho 'oha einu, nomio no moc'o aseou ci 'oanʉ ho phieni 'o ongko nosi pehoza.

hevulu 13:4

'e macicihi la huecvʉhʉa 'e natʉ'ca no navconga; la asansano ma'ʉ'ʉmtʉ yu'tat'ʉcʉ 'e navconga. tesi yʉsvʉta to hamo 'ola 'aʉnpʉnpʉ ho smoc'ou ci cou.

hevulu 13:5

'otela ma'konvosʉ no yupasʉ, la ma'mamso ta acʉcʉhʉto. maica ohsila yainca to hamo: <'auesiesi o'ate'o ahta ngozi suu, 'auesiesi o'ate'o ahta ciha suu.>

yakovu 4:1

ta taicomu mioeno i'mi nenu na yu'totokʉ ho youbobai? mo i'mi talamu ehtothomneni ta taicomu ci ma'konvosʉ!

petelo 1 2:11

songohia ci maananghia, ho mimu yonta hpʉhpʉngʉ moc'o nouchichipi, la covnʉ ci cou. te'o eucufna muu. teav'a poa 'aʉnpʉnpʉ no poc'ou si feangomu; 'emo maica ci poc'ou la conino ehtothomneni 'e piepiya.

mokusi 21:8

at'inghi i'ola t'oe'ʉya, tmaakoknuyu, tokuzo, opcoi, smoc'ou, buoyoifo, m'ohkuyu to uacoua, ho i'ola afu'u lolekoknuyu ci cou, panto puzu ho i'o yunzou ci etʉpʉ no liukoo isi totea 'emo maica ci cou; 'aeno ic'o 'ote tupusku mcoi.>

mokusi 22:15

at'inghi i'omo mais'a av'u, peiseoyoifo, smoc'ou, opcoi, m'ohkuyu to uacoua, lolekoknuyu, me'ʉ'ʉmnʉ ci cou, te acʉha poyafa ta hosa.