kolosai 3:17 - buacou seiso no faeva esvʉtʉ

¹⁷ 'upena hoci cuma nala hioa, cuma nala e'e, temula aa'pucu boemi to ongko to kilisto, ieni to kilisto ho 'aveoveoyʉ to hamo.

kolosai 3:17 ပူးပေါင်းရင်းမြစ်များ

matai 28:19

ko'koeno, temu e'ohʉ, poa meelʉ acʉhʉ tesi'u 'e yatatiskova ta mauhpʉhpʉngʉ, boemi to ongko to amo, oko, seilei ho toononvi,

sitoo 19:17

i'omo afu'u yone 'epeso ci couyutaya ho couyafana ihe tac'ʉhi 'e hi'hioa eni, acʉhʉ na'no ngoheʉngeʉ; 'o ongko to nooe'oca iesu ahoi tan'e cu h'unasa einva.

sitoo 4:30

teko'so ho'usneni na emucusu ho aotothoma namo tma'congo, a'vinano poa meelʉ biftongʉ to ongko to socofkoya ci soskuskunusu iesu ho hioa na taunona'vʉ ci po'e.>

looma 1:8

ahoisi, ieni to iesu kilisto, te'o nomio muu ho mi'usnu to homo ho to'aveoveoyʉ, maica ina singkoomu micu psoengabo ta mauhpʉhpʉngʉ.

kolinto 1 10:31

homo maica. 'upena hoci cuma na imu hioa, bonʉ hocieno mimo, te acʉha poa nomio no psoevohngʉ to hamo ho hioa.

'epeso 1:17

la'u m'ene to hamo to nooe'oca iesu kilisto, psoevohngʉ ci amopepe, pafi'sio no seilei na muu. 'e seilei eni tesi fii no moutʉs'ʉ muu, paavi muu ho poa bohngʉ to hamo.

'epeso 5:20

la epici to ongko to nooe'oca iesu kilisto ho mi'usnu to hamo ho 'aveoveoneni 'e mav'ov'o ci hi'hioa.

pilipi 1:11

na h'oyunsovamu te nongcʉngcʉ na isi ieni to iesu kilisto ho yayo ci beahci no moulʉlʉ, ho psoevohngʉ tohmomoengʉ to hamo.

pilipi 2:11

te tmunsohʉ 'o ngayohe ho esansano: zou nooe'oca 'o iesu kilisto, toehungu tohmomoengʉ to psoevohngʉ to amohamo.

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

kolosai 3:15

'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.

kolosai 3:23

upena hoci cuma nala hioa, la conino mimhocni na 'tohʉngʉ ho hioa, mais'a imu yaahioaneni 'o nooe'oca, o'a imu yaahioaneni 'e cou.

tesalonike 1 1:1

zou poolo a'o; mimza toehungu 'e siila ho i'e temote tmopsʉ ta tengami ho pa'i'usna ta kiokai ta tesalonike - tomo tma'usnu to amohamo ho ito nooe'oca iesu kilisto ci masisinto. temu'sola acʉhʉ elʉ no mengumi ho soanono!

tesalonike 1 5:18

yono mav'ov'o ci a'a'ausna la aa'pucu 'aveoveoyʉ. na eni isi asvʉtneni ta mimu tma'usnu to kilisto iesu ci 'tohʉngʉ to hamo.

tesalonike 2 2:17

poucufna muu, poa yaa ma'ʉ'ʉteʉ ci 'tohʉngʉ. psoyaska ho peiseafi 'e acʉcʉhʉ cimo yonghu ci hi'hioa.

hevulu 1:5

'o hamo uk'amocu ci ohsila ahta mi'usni cimo cihi ci tensi ho yainca: zou oko'u suu; maitan'e teko amo a'o. maezo uk'a ci ohsila ahta pas'osi ci mocmo ci tensi ho yainca: tesi amo a'o; te'o oko na taini.

hevulu 13:15

nteto ieni to iesu, asngʉcʉ boemi no tohmomoengʉ ho meesi, sʉ'teni to hamo, 'aeno boemi ta sumsuto ho ebobohngʉ to ongkosi.

petelo 1 2:5

temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.

petelo 1 2:9

at'inghi, isi epeiya to hamo ci suezopʉ na muu, zou saisi to emoo to honte, socofkoya ci hpʉhpʉngʉ, 'o'oko to hamo. isi epeiya to hamo na muu ho poa mongoi no voecʉvcʉ, yʉmeʉmʉ no tiskovasi, ho poa psoyaski no taunona'vʉ ci lasi peipeis'ausna.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

yohane 1 2:23

maica, nala afu'u bʉʉpsʉpsʉ to socofkoya ci oko, 'amoeno maezo bʉʉpsʉpsʉ to socofkoya ci amo; namo afu'u apa'to ebobohngʉ to socofkoya ci oko, te yaeza elʉa 'o socofkoya ci amo.

yohane 1 3:18

mao'o'oko, na himngonghito o'ante anovac'o ngov'eni ta sumsu, ahtuo'te aʉ'ʉmtʉ ci himngonghi, boemi no peipeis'ausna ho soomei!