kolosai 3:15 - buacou seiso no faeva esvʉtʉ

¹⁵ 'e isi pafeni to kilisto ci moususeomʉ la sotmoyaevona ta 'tohʉngʉmu; nomio no poa yaa moususemʉ na muu, isi epeiya to hamo muu ho poa conofeango, temula 'aveoveoyʉ.

kolosai 3:15 ပူးပေါင်းရင်းမြစ်များ

yohane 14:27

yohane 16:33

os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>

looma 1:21

lahe e'vono cohivi ta cou 'o hamo, at'inghi o'a lahe faeni to hamo na psoevohngʉ, maezo o'ala to'aveoveoyʉ to hamo; la ma'loʉngʉ 'o koyuhe, voecʉvcʉ 'o 'tohʉngʉ.

looma 14:17

maica ina hpʉhpʉngʉ to hamo o'amo yono 'oanʉ, mo yono isi faeni to seilei ci moʉhmʉskʉ, moususeomʉ, kokaekaebʉ.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 5:1

ho mitoeno i'mi no tmaa'uzo ho yainca coumoʉlʉlʉ, cu ieni to nooe'ocato ci iesu kilisto hocu yaa nanghia ci natʉ'ca 'o hamo.

kolinto 1 10:17

maica mitoc'o coni ci pang, mito acʉhʉ tma'upu ta mo totiski coni ci pang; ko'koeno, mito e'vono botngonʉ. mioc'o cono feango.

kolinto 1 7:15

at'inghi, hoci no'usnu no o'amo tmaa'uzo to nooe'oca namo mici mongoi, ci 'ateeno poa maino 'tohʉngʉsi, yontamo maica ci a'a'ausna, i'omo tmaa'uzo to nooe'oca, 'upena na hahocngʉ hocieno mamespingi, tec'u meelʉ ziu. hoisi eyoho'a to hamo na muu, tesi poa nananghinghia noteuyunu.

kolinto 2 4:15

'e acʉcʉhʉ eni moc'o acʉhʉ nomio muu, teeno meelʉ cmʉ'ho tamo asuhcu botngonʉ na mengumi to hamo, meelʉ asuhcu botngonʉ nate mofi no e'aveoveoyʉ, ho sopopayoa na psoevohngʉ to hamo.

kolinto 2 9:11

tesi yaeza poa atngaso muu, conino poa yaa tonʉ no mealʉ to'usnu, 'emo botngonʉ ci cou te meelʉ i'mi homo tiou ta teonghiamu ho 'aveoveoyʉ to hamo.

'epeso 4:16

te aucunu noe'ocʉ 'e feango, ieni tamo ma'vo'vokʉ maveoveocʉ ho yupa toseolʉ, yu'ti'ti'eopʉ. maicac'o, ho tac'u yutataso 'e maesoesou, 'e feango tec'u meelʉ yono himngonghi ho ausuhcu yusasmoyʉskʉ ho p'eac'a 'e iachi.

'epeso 4:4

mo conic'o 'e feango, cihic'o 'o seilei, aʉlʉ mais'a 'o hamo ho isi eoho'a muu ho toehungu tma'upu no conci ta'usni.

'epeso 5:1

ho zoueno isi ngohia to hamo ci 'o'okosi na muu, temula asansano momaemaezo to hamo.

'epeso 5:20

la epici to ongko to nooe'oca iesu kilisto ho mi'usnu to hamo ho 'aveoveoneni 'e mav'ov'o ci hi'hioa.

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

kolosai 3:17

'upena hoci cuma nala hioa, cuma nala e'e, temula aa'pucu boemi to ongko to kilisto, ieni to kilisto ho 'aveoveoyʉ to hamo.

tesalonike 1 5:18

yono mav'ov'o ci a'a'ausna la aa'pucu 'aveoveoyʉ. na eni isi asvʉtneni ta mimu tma'usnu to kilisto iesu ci 'tohʉngʉ to hamo.

temote 1 2:1

ahoi, te'o eucufna suu, la mi'usnu to hamo ho eoho'neni 'e afu'u cou, 'inoli, 'inolineni, e'aveoveoyʉ;

temote 1 6:12

yonta yupa toosa'o no singkoo ho pnanfi na tonʉ ho peayofʉ, yaeni no 'auesiesi nsou 'e iachi; 'amoeno nomio ta isi mituhci tan'e, miko noa eoho'a to hamo, yonta tuhcu tamo botngonʉ ho apa'ta esansana 'omo yonghu ci singkoo.

hevulu 13:15

nteto ieni to iesu, asngʉcʉ boemi no tohmomoengʉ ho meesi, sʉ'teni to hamo, 'aeno boemi ta sumsuto ho ebobohngʉ to ongkosi.

mokusi 7:12

mainca: <'aamen! ina tohmomoengʉ, psoevohngʉ, moutʉs'ʉ, 'aveoveoyʉ, so'einva, tonʉ, taso acʉhʉ'so tmaovei to hamoto, 'auesiesi! 'aamen.>