kolosai 3:14 - buacou seiso no faeva esvʉtʉ

¹⁴ ta acʉcʉhʉsi tan'e, la sopuhngi no himngonghi, mo maica 'e himngonghi mo yuecnguhu to acʉcʉhʉ ʉmnʉ ci peipeis'ausna.

kolosai 3:14 ပူးပေါင်းရင်းမြစ်များ

yohane 13:34

te'o fii ta mo faeva ci mashʉyʉ: la yupa himngonghi. la'u yainenu na la'u hia ngohia muu, temu la maicac'o ho yupania himngonghi.

yohane 15:12

temula yupa himngonghi, totiski ho la'u ngohia muu; na eni zou mashʉyʉ'u.

yohane 17:23

mi'o no'ayumonʉ ta nsouhe, na suu miko no'ayumonʉ ta nsou'u, akoeva no poa a'sʉftonʉ tmucni hin'i, ko'ko poa cohivneni ta yatatiskova ho osko popeoskuna a'o, yaeza cohivi ho osko ngohia hin'i, mais'a ho lako ngohia a'o.

looma 13:8

asansano 'otela yaa yuevaha! 'ac'o yupa nananghinghia na temula ngoevi ci yuevaha. inala himngonghi no mocmo ci cou, 'aisicueno peihcʉ'hi 'o hoolicu.

'epeso 1:4

auyusi no teyai 'e hpʉhpʉngʉ, ohsicula ieni to kilisto ho epeiya a'to. poa yonta tuhcusi na a'to ho meelʉ socofkoya, ho uk'a ake'i ca'i ci cou.

'epeso 4:3

boemi no suseomʉ ho yupa yuecnguhu, pnanfi na tonʉ ho atʉkca na ohsi faeni to seilei cimo tmucni ci 'tohʉngʉ.

'epeso 5:2

nalamu h'oyunsova la aa'pucva peiseafo no himngonghi, aʉlʉ 'o kilisto ho isi ngohia a'to, nomio a'to ho ciha 'o nsousi, mooyai namusngau ci sʉ'ta ho sʉ'teni to hamo.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

tesalonike 1 4:9

inacu yupa himngonghi ci hi'hioa, o'ate'o nama fii no tengami muu ho toʉsvʉsvʉtneni; ohsicu po'pa'cohivi to hamo na muu te mainenu na te hia yupa himngonghi,

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

hevulu 6:1

maicacu, mantetocu saf'uha na ahoisi ta fukuin to kilisto, mi'usnu no micu asuhcu yʉepʉngi ci singkoo ho emosuhcu. o'ateto amameoi yontac'o ahoisi ta singkoo ho bitotonʉ, mais'a 'oeno ma'susuae no kuici h'oyunsova, tmaa'uzo to hamo,

petelo 1 4:8

na sotva'esasi tela aʉ'ʉmtʉ yupa himngonghi. maica ina himngonghi lasi peelʉi aapayo'a na man'i ci kuisi.

petelo 2 1:7

na ma'einu, topuhngi no himngonghi no 'oahngʉ, na himngonghi no 'oahngʉ topuhngi no himngonghi ta acʉcʉhʉ.

yohane 1 3:10

na 'o'oko to hamo ho ina 'o'oko no 'akuma isi husansana 'o hia yupa h'unasi: i'ola o'te mee'ofeihni to moulʉlʉ, o'te ngohia 'o iachi maanat'ohaesa, o'a na 'o'oko to hamo.

yohane 1 3:23

'o mashʉyʉsi 'aeno: teto asansana taa'uzva 'o ongko to okosi ci iesu kilisto, a'vinano maito mashʉyʉ to kilisto ho yupa himngonghi.

yohane 1 4:21

ko'koeno, mo maica 'o hiasi mashʉyʉ a'to to kilisto: nala himngonghi to hamo. te asansana yaeza ngohia na iachisi nanat'ot'ohaesa.