kolosai 3:11 - buacou seiso no faeva esvʉtʉ

¹¹ ho isicu e'usna tan'e, 'anate i'vaha avahvoh'una na coungilisia ho couyutaya; o'anate yaa s'e'honga hocieno o'te s'e'honga. yano voveiveiyo, uafeihi, tolei hocieno couziu. 'o kilisto 'aeno acʉcʉhʉ, 'o kilisto isi nocʉcʉhi 'e acʉcʉhʉ.

kolosai 3:11 ပူးပေါင်းရင်းမြစ်များ

yohane 14:23

yut'inga to iesu:

yohane 15:5

yohane 17:23

mi'o no'ayumonʉ ta nsouhe, na suu miko no'ayumonʉ ta nsou'u, akoeva no poa a'sʉftonʉ tmucni hin'i, ko'ko poa cohivneni ta yatatiskova ho osko popeoskuna a'o, yaeza cohivi ho osko ngohia hin'i, mais'a ho lako ngohia a'o.

sitoo 15:17

maicac'o. ina afu'u mocmo ci cou, i'o os'o epeiya ho tma'usnu a'o ci couyafana, te acʉhʉ biebimi to nooe'oca.

sitoo 28:2

mo na'no bunananghiya a'mi 'o cou tan'e. maica homo mʉchʉ ne mio, a'vinano soyʉmʉ, ihecu soupuzneni, ho aʉt'ʉca a'mi,

sitoo 28:4

ihe aiti to cou to ic'o homo maifutu to emucu to poolo 'o fkoi, mo yupa mainca: <'amosola ahtuo'te opcoi no cou na eni, e'vono esifova ta etʉpʉ o'a isic'o poa yaansou no hicu ta pepe.>

looma 1:14

maica 'upena hoci'u mi'usnu no cou cuma, coungilisia, couyafana, motposʉ hocieno o'te motposʉ, os'o acʉha yuevahi.

looma 10:12

'e e'e eni mo mi'usnu ta acʉcʉhʉ ci cou, maica o'a isi ah'una na couyutaya ho couyafana; 'o hamo zou nooe'oca ta yatatiskova, tesi at'otngasa ho fii no ʉm'ʉmnʉ namo afu'u eyoho'ʉ ci cou.

looma 3:22

ho isi poa yaa yupa toseolʉ ci natʉ'ca to hamo 'e cou. mo i'tohungu ho ihe taa'uzva 'o iesu kilisto. ho isi yaica ci hia mi'usni to hamo 'emo afu'u tmaa'uzo to kilisto ci cou, uk'a ci ake'isi naskuca:

looma 3:29

zoueno anouc'o hamo to couyutaya 'o hamo? o'as'aeno maezo hamo to couyafana? ahtuo'te maica!

kolinto 1 12:13

totiski, 'upena hoci zou couyutaya hocieno coungilisia na a'to. tolei hocieno ziu, moc'o acʉhʉ i'mi tamo cihi ci seilei ho tiou no toonono, hocu cono feango, a'vinano toehungu tma'upu ta cihi ci seilei.

kolinto 1 14:11

hoci'u o'te tma'hongʉ ta e'e, i'omo bua e'e to ic'o hoci mi'usnu a'o zou cou h'unasi, ho tehe aiti a'o zouc'o maezo cou h'unasi.

kolinto 1 7:19

maica hoci tiou ho o'te tiou no s'e'honga cumanantesi a'a'ausna; na sotva'esa te meot'ʉcʉ to mashʉyʉ to hamo.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

'epeso 1:23

'e kiokai zou feango to kilisto, isi nongcʉngci tomo nongcʉngcʉ ta mouhpʉhpʉngʉ ci kilisto.

'epeso 2:14

isi iachia faeni a'to to kilisto 'e suseomʉ; isi poa tmucni 'e couyutaya ho i'o couyafana, ieni to iachisi feango ho popuya 'o koa nahanga, ho koa apaevai ci tonghifa.

'epeso 2:15

isi aapayo'a 'o maeesvʉta to hoolicu to yutaya, akoeva no ieni to nsousi ho poa faeva ci cou 'emo yusno suezopʉ, meelʉ suseomʉ ho noteuyunu.

'epeso 3:17

te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

'epeso 3:6

na 'ayumona ta moumsʉ'eonʉ tan'e mo maica: ieni to fukuin, 'o couyafana te meelʉ totiski to couyutaya ho tma'upu no isi faeni to hamo ci ʉm'ʉmnʉ. zou maesoesou ta mo conci feango, a'vinano tma'upu to isi ieni to kilisto iesu to hamo ho epa'tenicu ci ohsila teomneni.

'epeso 6:8

la cohivi, 'upena na soskuskunu hocieno ziu ci cou, tasi acʉha ieni no ʉmnʉ ci peipeis'ausna ho eveia to hamo.

kolosai 2:10

mimu yupa cmunghu 'o kilisto, maezo mayo no atngaso ci nsou. zou papoevʉ, tosa'ohe to acʉcʉhʉ cila titutuhcu le'aʉt'ʉcʉ ta moipiepiya.

yohane 1 5:20

ito cohivi, micu cmʉ'ho 'o oko to hamo, a'vinano pafi no toutʉs'ʉ na a'to, ko'ko poa bohngʉ to a'ʉmtʉ hamo na a'to. mito no'ayumonʉ no nsou to a'ʉmtʉ hamo. 'aeno 'ayumona to nsou to okosi iesu kilisto. zou a'ʉmtʉ hamo, 'aeno 'auesiesi ci nsou.

yohane 2 1:9

hoci panonte o'te noyʉcʉ to h'omahsʉfta to kilisto, apuyu emoszozʉ, 'aeno uk'a ci hamo ta mcoosi; i'ola tʉyʉcʉ to h'omahsʉfta, isicu elʉa 'o socofkoya ci amo ho i'o socofkoya ci oko.